17.11.2019

Dita e Çlirimit të Tiranës

Tirana sot feston 75-vjetorin e Çlirimit, dita kur forcat Nacional Çlirimtare fituan luftën kundër pushtuesve gjermanë. Si çdo vit Bashkia e Tiranës organizon aktivitete në nderim të dëshmorëve të renë në Luftën për Çlirimin e Tiranës duke vendosur kurora me lule te Monumuneti i Ushtarit të Panjohur.   

Activities on National Liberation Day of Tirana

Pak histori

Lufta për çlirimin e Tiranës zgjati 2 muaj, dhe plot 19 ditë radhazi për çlirimin e kryeqytetit.  Sulmi përfundimtar filloi në mëngjesin e 16 Nëntorit, ku forcat e Brigadës 1 pushtuan Shtëpinë e Oficerëve,Sahatin, Teatrin, etj. Forcat e Brigadës VIII përparuan në rrugën e Kavajës dhe morën takim me krahun e djathtë të Brigadës I, duke e ngushtuar edhe më shumë unazën e rrethimit të armikut në qendër të kryeqytetit.

Activities on National Liberation Day of Tirana

Në mëngjesin e 17 nëntorit të vitit 1944, pas 19 ditë e net luftë të ashpër e të pandërprerë, kryeqyteti i Shqipërisë, Tirana, u çlirua. Operacioni mësymës për çlirimin e Tiranës u përgatit dhe u zhvillua në kuadrin e mësymjes së përgjithshme të UNÇSH-së për çlirimin e plotë të Shqipërisë. Ai ishte vijimi dhe kulmi i mësymjes së përgjithshme. Në fakt për gjermanët ishte e pamundur ta përballonin këtë betejë, pasi partizanëve iu bashkuan edhe qytetarët e Tiranës, i madh e i vogël morën pjesë. Kreu i Ushtrisë Nacional Clirimtare ishte ish diktatori Enver Hoxha, por historia thotë se betejën për clirimin e Tiranës e udhëhoqi ish kryeministri i vetvrarë në diktaturë Mehmet Shehu. 

Activities on National Liberation Day of Tirana

17 Nëntori i vitit 44 ishte një ditë e lumtur për gjithë qytetarët e Tiranës. Ka disa foto sot në arkivë që tregojnë festimet e asaj dite. Luftimet për clirimin e gjithe vendit vazhduan deri në 29 Nëntor 1944, kur u clirua gjithë Shqipëria. 

Activities on National Liberation Day of Tirana

30.10.2019

Fjalori i gjuhës shqipe- instalacioni më i ri në sheshin Skënderbej në Tiranë

Në kuadër të mbylljes së programit “Tetori i Librit” Ministria e Kulturës ka vendosur një instalacion libri në sheshin “Skënderbej”, në Tiranë. Instalacioni është “Fjalori i Gjuhës Shqipe”, botim i Akademisë së Shkencave dhe Institutit të Gjuhës dhe Letërsisë.

Instalacioni i fjalorit te gjuhes shqipe ne sheshin skenderbej

Por ai fjalor është edhe funksional. Përmes një monitori, bashkëlidhur me të, mund të kërkoni kuptimin e cilësdo fjalë të fjalorit.

Një mesazh për të njohur dhe dashur gjuhën tonë!

Instalacioni i fjalorit te gjuhes shqipe ne sheshin skenderbej

Instalacioni ka tërhequr vëmendjen e kalimtarëve të cilët nuk kanë ngurruar të bëjnë foto.

Instalacioni i fjalorit te gjuhes shqipe ne sheshin skenderbej

28.10.2019

Çfarë të bësh në Nëntor në Tiranë

Ejani dhe festoni me ne muajin e krenarisë së Shqiptarëve! Nëntori është padiskutim muaji më festiv, pasi shqiptarët festojnë ditën e pavarësisë dhe çlirimit të atdheut më 28-29 Nëntor. Këtë vit kujtohet 107 vjetori i pavarësisë dhe 75 vjetori i Çlirimit të vendit. Po kështu dhe 75 vjetori i çlirimit të qytetit të Tiranës më 17 Nëntor. 

Nëntori njihet dhe si muaji i Librit, pasi organizohet eventi më i madh për gjithë adhuruesit e librave, Panairi i Librit në Pallatin e Kongreseve. Edhe pse netët bëhen më të gjata dhe ditët më të shkurtra dhe të ftohta në Nëntor, kjo nuk është një arsye për të qendruar në shtëpi. Tirana është e mbushur plot me evente interesante dhe të mëdha këtë muaj duke filluar me Panairin e Librit, Panairi “Tirana Street Food”, Festa e Pavarësisë, Nata e Bardhë etj.

What to do in November in Tirana

Panairi i Librit është panairi më i madh i librit në Shqipëri. Panairi do të zhvillohet në Pallatin e Kongreseve në datat 13-17 Nëntor. Ky panair është më i frekuentuar dhe më popullor në krahasim me të gjitha panairet e organizuara në Tiranë. Tregon interesimin e librave për shqiptarët e të gjitha moshave.

What to do in November in Tirana

14-17 Nëntor- Tirana Street Food Fair në sheshin “Skënderbej”.

16 Nëntor- Ballet on Ice në Pallatin e Kongreseve.

Balet në Akull - brenda sallës së Pallatit të Kongreseve duke e shndërruar për herë të parë të ekzistencës së saj në një pistë të shndritshme akulli. Trupa Shtetërore e Shën Petersburgut do të performojë në datë 16 Nëntor 2019, me rreth pesëdhjetë balerinë profesionistë dhe fitues çmimesh të Konkurseve Botërore dhe Evropiane të Patinazhit dhe Lojrave Olimpike kanë qenë ndër vite pjesë e Baletit në Akull të Shën Petersburg-ut.

What to do in November in Tirana

17 Nëntori është ditë historike për qytetin e Tiranës, sepse ajo mbahet në mend si Dita e Çlirimit të Tiranës (17 nëntor 1944). Bashkia e Tiranës organizon disa aktivitete festive, duke vënë gjithashtu kurora me lule në monumentin e “Ushtarit të Panjohur”, ose në statujën e "Nëna Shqipëri" në Varrezat e Dëshmorëve.

What to do in November in Tirana

23-26 Nëntor “Njihu me Rusinë” panair në Pallatin e Kongreseve

Në datat 23-26 Nëntor 2019, do të keni mundësi të njiheni me kulturën ruse, tradita dhe vodkën e famshme.

28 Nëntori është dita më e rëndësishme për të gjithë shqiptarët, ku ne festojmë Ditën Kombëtare të Pavarësisë ose Ditën e Flamurit. Ka shumë aktivitete përpara ditës në mbarë Shqipërinë, veçanërisht në Tiranë dhe Vlorë.

What to do in November in Tirana

29 Nëntori është gjithashtu një ditë festive. Mbahet në mend si dita e Çlirimit të Shqipërisë nga nazistët në vitin 1944. Por në dekadën e fundit, ajo zëvendësohet me Natën e Bardhë, e cila fillon në natën e 29 nëntorit, ku njerëzit kalojnë gjithë natën jashtë dhe vazhdojnë të festojnë deri në agim. Galeritë dhe muzetë janë të hapura për t’u vizituar, dhe shumë surpriza të tjera janë planifikuar këtë vit.

What to do in November in Tirana

Ekspozitat fotografike apo të pikturës i gjeni të hapura gjatë gjithë muajit, po kështu teatro, filma, shfaqje, koncerte janë tashmë ta planifikuara dhe do ti gjeni të përditësuara në faqen tonë të eventeve. 

Për gjithë adhuruesit e kërcimit, shfrytëzoni çdo javë mbrëmjet e vallëzimit tango. Tango Tirana, komuniteti i tangos argjentinase ne Shqiperi, organizon MILONGA, çdo të enjte, ora 21.00. 

What to do in November in Tirana

Mos harroni të postoni fotot tuaja të Tiranës dhe të merrni pjesë në konkursin e fotografisë në mediat sociale me hashtag #TiranaAutumn2019. Konkursi do të përfundojë në 30 nëntor.

Një muaj i mrekullueshëm ju pret në Tiranë!

25.10.2019

Fundjavat e vjeshtës jashtë Tiranës

Vjeshta në Tiranë është një stinë e këndshme për shkak të motit të mirë, ku dielli vazhdon të ngrohë gjatë gjithë ditës dhe mëngjeset dhe netët janë të freskëta. Të gjithë ju gëzohen këtyre ditëve, veçanërisht fundjavave ku shumica e njerzëve arratisen nga zhurma e kryeqytetit drejt destinacionave natyrore nëpër rrethinat e Tiranës.

Tirana Marathon 2019 winners

Ne u kemi kërkuar ndjekëseve tanë në Instagram se çfarë vendesh në Tiranë sugjerojnë për të kaluar një fundjavë të këndshme ku shijohet vjeshta më bukur.

Thuajse vendin e parë e zë gjithmonë Parku Kombëtar i Dajtit, si më i frekuentuari. Panorama e mahnitshme e Tiranës, hapësirat e mëdha për piknik me familjen dhe miqtë, restorantet tradicionale e bëjnë parkun e Dajtit më të preferuarin.

 
 
 
View this post on Instagram

A post shared by Erisa Shaba (Gleni Isa Shaba) (@gleniisa) on

Zona e Shëngjergjit është kthyer në destinacion mjaft të kërkuar prej bukurive natyrore që e karakterizon këtë zonë. Ujëvara e Shëngjergjit, si dhe Liqeni i Lepurit janë dy atraksionet natyrore më të vizituarat. Në Shëngjergj janë hapur dhe disa restorante që shërbejnë gatime tradicionale, një mundësi e mirë për të shijuar natyrën dhe gatime të shijshme. Nëse ju pëlqejnë gështenjat mund të ngjiteni deri në Qafë Priskë për të mbledhur gështenja dhe për të luajtur me gjethet e vjeshtës.

 
 
 
View this post on Instagram

A post shared by Visit Tirana (@visit_tirana) on

Liqeni i Bovillës, rezervuari më i madh i Tiranës, tërheq mjaft vizitorë vendas e të huaj prej pamjes spektakolare që të ofron nëse ngjitesh në Malin e Gamtit.

 
 
 
View this post on Instagram

A post shared by Nentor Oseku (@nentor_oseku) on

Fshati Pezë i rrethuar nga kodrat dhe fushat e gjera mbetet i preferuar për shumë familje. Në Pezë gjendet një fushë e madhe e rrethuar me pemë të mëdha dhe në stinën e vjeshtës shtrojnë tapetin me ngjyrat e arta dhe të kuqërremta. Fëmijët dhe të rinjtë mund të luajnë në fushën e madhe, ose të kalërojnë. Është një vend ideal për të shijuar rrezet e ngrohta të diellit dhe për të bërë piknik.

Fshati Petrelë i njohur prej Kalasë së Petrelës është shumë i vizituar nga të huaj e vendas. Me pamjen fantastike të luginës së Erzenit dhe fshtratrave përreth që duken akoma më të bukur në vjeshtë, Petrela ja del të qendroj në listën e destinacioneve të preferuara. Perveç vizitës në kala, ju mund të shëtisni në qendrën e fshatit dhe të bëni ecje nëpër natyrën e bukur të Petrelës.

 
 
 
View this post on Instagram

A post shared by @e.photography10 on

Liqeni i Farkës për shkak të investimeve të reja në zonën e Farkës ka marrë vëmendje dhe liqeni artificial. Fundjavave e gjen shëtitoren e liqenit plot me njerëz që shëtisin dhe sodisin pamjen e bukur të liqenit.

 
 
 
View this post on Instagram

A post shared by Visit Tirana (@visit_tirana) on

Parku i Madh i Liqenit Artificial mbetet më i frekuentuari dhe njëkohësisht më i populluar për shkak afërsisë me qendrën e qytetit. Një vend ku gjen forma të ndryshme argëtimi për të gjithë familjen: këndi i madh i lojërave, shëtitje me biçikleta në korsitë e dedikuara, vozitje me varkë si dhe piknik.

 

 
 
 
View this post on Instagram

A post shared by Büşra Çete Çakal (@busracete) on

Këto janë vetëm disa prej sugjerimeve pasi Tirana ka shumë fshatra me liqene dhe pamje piktoreske. Nëse udhëtoni në këto vende, ndani në Instagram fotot me hashtag #TiranaAutumn2019 për konkursin e fotove të vjeshtës në Tiranë.

24.10.2019

Street Art dhe Mural Art në Tiranë

Tirana po zbukurohet nga arti mural që ka pushtuar dhe ka zbukuruar lagjet e vjetra të qytetit. Shumë prej jush mund t’i ketë parë disa grupe te rinjsh që lyejnë e pikturojnë pallatet e Tiranës dhe mund të jeni bërë kurioz për domethënien e artit që ata kanë krijuar. Shumica prej arteve murale janë realizuar nga artistë të huaj dhe shqiptarë gjatë Mural Art Fest 1 në 2018 dhe Mural Art Fest 2 në 2019. 

Tirana është bërë e njohur për ndërtesat e saj shumëngjyrëshe, për të cilat ne kemi krijuar një tur me ndërtesat më të bukura.  Lexo këtu!

Por tanimë, arti mural ka shpërthyer në Tiranë dhe janë një arsye më tepër për të vizituar Tiranën.

Këto murale kanë shndërruar godinat e pallatave duke tërhequr vëmendjen e të gjithë kalimtarëve, të cilët ndalojnë dhe bëjnë foto ndërkohë që mendojnë për mesazhin e tyre.

Këto “pika atraksioni” po i quajmë kështu, sepse në të vërtetë janë një ftesë për të gjithë që të vizitojnë edhe lagjet e Tiranës, jo vetëm qendren dhe atraksionet kryesore.

Visit Tirana ka fotografuar disa prej këtyre arteve murale si dhe artet e tjera të rrugës të bëra kohë më parë dhe i ka sjellë në këtë galeri fotosh.

Nëse doni t’i shihni këto arte murale, hapni këtë link për të parë vendodhjen e tyre.

Street Art Mural Art Tirane

Street Art Mural Art Tirane

Street Art Mural Art Tirane

Street Art Mural Art Tirane

Street Art Mural Art Tirane

Street Art Mural Art Tirane

Street Art Mural Art Tirane

14.10.2019

2500 sportistë garuan në 3 kategori në Maratonën e Tiranës 2019

Edicioni i katërt i Maratonës së Tiranës shënoi një rekord të lartë pjesëmarrje, ku morën pjesë më shumë se 2500 vrapues, profesionistë dhe amatorë, nga mbi 42 shtete të ndryshme nga mbarë bota. Rrugët dhe bulevardet kryesore të kryeqytetit ishin në funksion të ngjarjes sportive më të madhe në vend.

Maratona e Tiranes 2019, fituesit

Maratona e Tiranës nuk është thjesht një event sportiv, por një ngjarje e madhe që jep mesazhe për jetën sportive të shëndetshme si dhe një promovim shumë i mirë që i bëhet kryeqytetit me pjesëmarrës nga 42 vende të ndryshme të botës.

Nën kujdesin e Bashkisë së Tiranës dhe e certifikuar nga Federata Ndërkombëtare e Atletikës – IAAF, Maratona këtë vit solli një garë të fortë sportive, në tre kategori të ndryshme, “We too”, “Half Marathon” (21, 0975 km) dhe “Tirana 10K”.

Maratona e Tiranes 2019, fituesit

Fitues i garës së Gjysmë Maratonës (21, 0975 km) për meshkuj doli sportisti nga Kenia Laban Cheruiyot, i cili e realizoi për kohën 01:06:44, ndërsa për femra fituese doli një tjetër sportiste nga Kenia, Christine Moraa Oigo, e cila e realizoi për kohën 01:20:32.

Në garën Tirana 10K fitues për meshkuj doli sërish një sporti tjetër nga Kenia, Hillary Kiptum Maiyo Kimaiyo me kohën 00:29:57. Ndërsa, për femra fituese u shpall rekordmenia shqiptare, Luiza Gega me kohën 00:33:42, e cila arriti të thyejë sërish rekordin kombëtar me 25 sekonda.

Maratona e Tiranes 2019, fituesit

Fituesit e Half Marathon 21, 0975 Km për meshkuj

 

  1. Laban Cheruiyot                Kenya    01:06:44.323
  2. Evans Kipngetich Tanui Kenya    01:06:47.584
  3. Moses Kipruto Kibire    Kenya    01:10:32.679

 

Fituesit e Half Marathon 21, 0975 Km për femra

 

  1. Christine Moraa Oigo      Kenya          01:20:32.936      
  2. Gladys Jepkurui Biëott Kenya          01:24:53.098      
  3. Anna Pedrazzini Albania 01:30:28.526

 

 

Fituesit e Tirana 10k për meshkuj

 

  1. Hillary Kiptum Maiyo Kimaiyo Kenya    00:29:57.276
  2. David Nikolli                         Italy        00:30:06.888           
  3. Ndiwa Kipkurui Sakon Kenya    00:30:11.966

 

 

Fituesit e Tirana 10k për femra

 

  1. Luiza Gega Albania            00:33:42.203  
  2. Cveta Trajce           Albania            00:36:43.047  
  3. Relaksa Dauti Albania            00:38:48.040

 

 

Fituesit e Kategorisë We Too

 

  1. Dovlet Gjangolli Albania               00:08:15.090          
  2. Erblin Karaj Albania     00:08:42.289          
  3. Saimir Ustabeqiri Albania                00:08:51.109
09.10.2019

Shpallen fituesit e Tirana Photo Festival 2019

Edicioni i dytë i Tirana Photo Festival ishte një sukses i vërtetë. Qindra dashamirës të fotografisë u mblodhën në ceremoninë e ndarjes së çmimeve të Tirana Photo Festival 2019.

Ceremonia u mbajt në 8 Tetor, në Muzeun Historik Kombëtar në një atmosferë fantastike. Pjesëmarrësit patën mundësi të shihnin dhe ekspozitën me 100 fotot më të mira.

winners of Tirana Photo Festival 2019

Tematika e këtij edicioni ishte: “Trashëgimia kulturore dhe natyrore e Shqipërisë”, nëpërmjet fotove në ekspozitë tw kuruar nga Elton Koritari njihesh me një Shqipëri me vlera të bukura natyrore dhe kulturore.

winners of Tirana Photo Festival 2019

Juria e përbërë nga Roland Tasho, Leon Cika, Gent Shkullaku dhe Olsi Beci zgjodhën fituesit e këtij edicioni.

Çmimi i parë: Afrim Tahiraj (fitoi një aparat profesional ofruar nga FujiFilm Albania

Çmimi i dytë: Kyd Zacharian (fiton 40 000 lekë, mundësuar nga Ministria e Kulturës

Çmimi i tretë: Rozafa Shpuza (fiton 20 000 lekë, mundësuar nga Ministria e Kulturës

Çmim i katërt, ose inkurajues: Altin Serani (fiton një aparat Instax ofruar nga FujiFilm Albania)

- Çmimi: Fotografi më i ri (për moshat 15-18 vjeç): Alket Shahini fiton një aparat Instax ofruar nga FujiFilm Albania

- Çmimi i publikut (nga votat në Instagram): Megi Buzo, fiton një aparat Instax ofruar nga FujiFilm Albania

winners of Tirana Photo Festival 2019

Ekspozita do të qendrojë e hapur deri në 15 Tetor nga ora 9.00 deri në 19.00.

Gjatë ditëve të festivalit organizohen workshope fotografie me fotografët Roland Tasho, Alla Simacheva dhe Albert Cmeta.

Ky festivali u organizua nga DMO Albania & Visit Tirana,, me mbështetjen e Bashkisë Tiranë, Ministria e Kulturës dhe sponsor FujiFilm Albania.

winners of Tirana Photo Festival 2019

27.09.2019

Çfarë të bësh në Tetor në Tiranë

Tetori është një periudhë e artë, më e bukura e vjeshtës, pasi gjethet e verdha mbulojnë qytetin, dhe moti është perfekt, as shumë ftohtë as shumë nxehtë. Periudhë e mrekullueshme për aktivitete outdoor dhe për të ndjekur evente të shumta në Tiranë, që përgatiten si për vendasit dhe për të huajt vizitorë. Tetori është plot me evente, festivale, ekspozita, panaire, maratona sportive, koncerte dhe shfaqje të mrekullueshme.

What to do in October in Tirana

Është muaji ku eventet kulmojnë, thuajse çdo ditë është e ngjeshur, dhe ju do keni mundësi të vizitoni disa evente njëherësh. Le të eksporojmë së bashku disa prej tyre që do të ngrohin ditët tuaja me kujtime të paharrueshme.

Tirana Photo Festival

Eventi më i madh i fotografisë në kryeqytetin shqiptar. Një event që i kushtohet plotësisht fotografisë, promovimit të vendit dhe edukimit të të rinjve me pasionin për fotografinë.  Eventi hap dyert më 8 tetor 2019, ora 18.00 te Muzeu Historik Kombëtar, ndërsa ekspozita do të qëndrojë e hapur për një jave, deri më 15 tetor 2019. Veç ekspozitës ka workshope, foto ture, forume etj. Mos e lini pa parë ekspozitën e këtij festivali.

What to do in October in Tirana

Maratona e Tiranës

Eventi më madh dhe ndërkombëtar, ku mblidhen vrapuesit e gjithë moshave nga 40 vende të botës dhe garojnë në këtë event sportive që zhvillohet në Tiranë. Itinerari do të përfaqësojë pikat më atraktive të qytetit duke e kthyer këtë garë në sfidë por dhe kënaqësi. Vec sportit, kjo do jetë një ditë feste për konkurentët por dhe për qytetarët. Do jetë aktivitete kulturore dhe artistike të shumta brenda këtij eventi.  

What to do in October in Tirana

Tre tenorë, koncert në pallatin e Kongreseve

3 Tetor, 19:00

Një nga koncertet më të bukura në Tiranë, dhe të shumëpritura ku do ketë muzikantë shqiptarë dhe të huaj për gjithë dashamirësit e muzikës klasike.

Koncert rrok poshtë kurorës së ullirit

Një koncert fantastik nga këngëtarët e njohur shqiptarë: Aleksandër Gjoka, Elton Deda, Redon Makashi, Eneda Tarifa, Flaka Krelani dhe Kastriot Tusha, dhe i ftuar special Kristos Dantis. Me 8 tetor te Amfiteatri i Tiranës, ora 8 pm

Tirana Kino Kabare 

Më në fund Tirana do ketë sesionin e saj të parë Kino Kabare, një javë e kaluar me adhuruesit e filmit ku producentët si amatorë dhe profesionistë do kenë shancin të krijojnë një video, film të shkurtër, dokumentar, pra çdo gje që ju bën të ndiheni të frymëzuar për të krijuar në frymën e Kino Kabare. Bashkojuni komunitetit të madh të kinematografisë. Do takohen bashkë talentët mbarë kombëtare dhe do tu jepet mundësi që të bëjnë filma të shkurtër për kinema/

 Panairi Study Fair në Europë

Ky panair do të zhvillohet te Hilton Hotel, aty ku shumë student por edhe nxënës do të ftohen të marrin pjesë për tu njohur me mundësitë e studimit në vende të ndryshme europiane. Panairi është i hapur për të gjithë, dhe për prindërit që të informohen për shkollat më të mira ku do të cojnë fëmijët e tyre.

AllWeb Albania 2019- Edicioni IV

Konferenca e përvitshme dedikuar marketingut dixhital organizohet për herë të katërt.
Prej 3 vitesh organizim, AllWeb është konferenca që ka tejkaluar pritshmëritë dhe po ndikon fuqishëm në skenën shqiptare të zhvillimit të Marketingut dhe Inovacionit. Përmbajta cilësore vjen nga folës Ndërkombëtarë / Rajonalë dhe vendas.

What to do in October in Tirana

Zgjidhni eventi tuaj të preferuar dhe ruani datën. Mos harroni të klikoni në portalin http://www.visit-tirana.com per te ndjekur eventet më të fundit në Tiranë dhe cdo informacion, atraksion dhe rekomandime se çfarë të bëni në Tiranë.

 

28.08.2019

Çfarë të bëni në Shtator në Tiranë

Shtatori është një muaj i shkëlqyer për ta ‘përkedhelur’ veten me disa ditë pushimi ekstra. Dy javët e para të Shtatorit në Tiranë do të jenë me temperatura të larta dhe mund t’i shfrytëzoni si pushime verore të zgjatura duke vizituar vende natyrore si Kanionet e Erzenit, perlën e natyrës Syrin e Ciklopit apo liqenet e shumta nëpër rrethinat e Tiranës.

Fëmijët fillojnë shkollën dhe shumica e njerëzve janë kthyer nga pushimet, kryeqyteti fillon të zhurmojë sërish nga fluksi i njerëzve po ashtu dhe turistëve që zgjedhin Shtatorin si muajin ideal për ta vizituar Tiranën.

What to do in September in Tirana

Në shtator nisin dhe programet e gjera artistike kulturore dhe argëtuese.

Në ditët e para të Shtatorit fillojnë koncertet në Amfiteatrin e Tiranës. Më 4 Shtator do të jetë koncerti i këngëtarit grek Michalis Hatzigiannis.

What to do in September in Tirana

Ndërsa në datat 6-7-8 Shtator organizohet eventi “Fundjavë në Park” me muzikë elektronike në Parkun e Madh të Tiranës.

What to do in September in Tirana

Ekspozita të reja priten të hapen këtë muaj në galeritë e Tiranës. Ekspozita personale e Adrian Pacit do të hapet për publikun në 20 Shtator në ambientet e Galerisë Kombëtare të Arteve.

Për adhuruesit e artit rikthehet për vitin e dytë radhazi Tirana International Watercolor Biennale nga 20 deri në 30 Shtator. Më shumë se 140 artistë nga 45 vende të ndryshme si Spanja, Peruja, Anglia, Irlanda, Kina, Singapori, Italia dhe shumë të tjera do të marrin pjesë me punimet e tyre artistike të kategorive të ndryshme.

What to do in September in Tirana

Tirana ofron shumëçka për të gjitha moshat. Përse mos ta zbuloni tani!

06.08.2019

INSTAT- Rritet interesi i shqiptarëve për kulturën

Numri i shfaqjeve kulturore gjithsej në tremujorin e dytë 2019 është 372, duke shënuar rritje prej 28,3%, në krahasim me tremujorin e dytë 2018. Sipas statistikave te sapopublikuara të INSTAT, vihet re një rritje e interesit për kulturën, si për shfaqje, vizita kulturore, si dhe librin.

INSTAT- Rritet interesi i shqiptarëve për kulturën

Në institucionet qendrore të artit dhe kulturës, në tremujorin e dytë të vitit 2019, janë organizuar 18 premiera, pa pësuar ndryshim nga tremujori i dytë 2018. Në tremujorin e dytë 2019, numri i spektatorëve është 71.970, duke shënuar rritje me 46,9%, krahasuar me të njëjtën periudhë të një viti më parë. Pjesëmarrja mesatare në tremujorin e dytë 2019 është 193 spektatorë për shfaqje nga 169 spektatorë në tremujorin e dytë 2018.

INSTAT- Rritet interesi i shqiptarëve për kulturën

Institucione qendrore të artit dhe kulturës

Në tremujorin e dytë 2019, Teatri Kombëtar Eksperimental është institucioni që ka realizuar numrin më të lartë të shfaqjeve gjithsej, me 143 të tilla, 24 shfaqje më shumë, krahasuar me tremujorin e dytë 2018. Teatri Kombëtar i Operës, Baletit dhe Ansamblit Popullor ka realizuar numrin më të lartë të premierave, 12 premiera, dy më shumë, krahasuar me të njëjtën periudhë të një viti më parë.

INSTAT- Rritet interesi i shqiptarëve për kulturën

Në tremujorin e dytë 2019, Teatri Kombëtar Eksperimental është institucioni që ka numrin më të lartë të spektatorëve, me 19.154 të tillë, duke shënuar një rritje me 30,3 %, krahasuar me të njëjtën periudhë të një viti më parë. Numri mesatar i spektatorëve për shfaqje ka shënuar një rritje, nga 169 spektatorë për shfaqje, në tremujorin e dytë të vitit 2018, në 193 spektatorë për shfaqje, në tremujorin e dytë 2019. Rritja është në masën 14,5 %.

Trashëgimia kulturore

Numri i vizitorëve gjithsej në muze, kala dhe parqe arkeologjike, në tremujorin e dytë 2019 është 331.767 vizitorë, duke shënuar rritje me 3,0%, krahasuar me tremujorin e dytë të vitit të kaluar. Nga totali i vizitorëve në institucionet e trashëgimisë kulturore, 103.536 janë vizitorë në muze, 97.446 vizitorë në kala e monumente të tjera dhe 130.785 janë vizitorë në parqe arkeologjike.

Në tremujorin e dytë 2019, numri i vizitorëve gjithsej të huaj në muze, kala dhe parqe arkeologjike ishte 178.560, duke shënuar një rritjeme 24,7 %, krahasuar me tremujorin e dytë 2018.Gjatë tremujorit të dytë 2019, në të gjithë institucionet e trashëgimisë kulturore vihet re një përqindje më e lartë e vizitorëve të huaj krahasuar me vizitorët vendas.

Biblioteka Kombëtare

 

Në tremujorin e dytë 2019, numri i shërbimeve të njësive bibliotekare është 27.180 njësi, 29,3 % më shumë, krahasuar me tremujorin e dytë të vitit 2018. Në tremujorin e dytë 2019, numri i frekuentuesve në Bibliotekën Kombëtare është 37.026, duke shënuar rritje me 63,6%, krahasuar me të njëjtën periudhë të një viti më parë. Në Bibliotekën Kombëtare, në tremujorin e dytë 2019 janë afishuar 1.118 tituj të rinj dhe 3.699 ekzemplarë të rinj.

 

Burimi: Revista Monitor

30.07.2019

Festa e Fërgesës mbahet në ambientet e Kalasë së Tiranës

Festa e Fërgesës rikthehet për vitin e dytë radhazi, kësaj here në mjediset e Kalasë së Tiranës. Festa dedikuar gatimit tradicional të Tiranës mblodhi disa nga restorantet më të mira tradicionale të Tiranës, të cilët u bënë pjesë me gatimet e tyre dhe demonstrimet drejtpërsëdrejti.

Fërgesa Fest dedicated to the traditional dish of Tirana

Të shumtë ishin pjesëmarrësit në këtë akvititet, qytetarët e Tiranës dhe vizitorët e huaj.

Fërgesa Fest dedicated to the traditional dish of Tirana

Aktiviteti nis paradite dhe vazhduan deri në mbrëmje vonë. Gjatë hapjes së aktivitetit ishte i pranishëm dhe Kryetari i Bashkisë, Z. Veliaj.

Fërgesa Fest dedicated to the traditional dish of Tirana

Cirku Kombëtar si dhe Ansambli i Tiranës i dhanë gjallëri më shumë aktivitetit, fëmijë e të rritur u argëtuan me këngë e me valle popullore.

Fërgesa Fest dedicated to the traditional dish of Tirana

29.07.2019

Katërfishohen hyrjet për turizëm shëndetësor në Shqipëri

Ndërsa viti 2018 pa një tkurrje të numrit të të huajve që kanë marrë shërbim shëndetësor në Shqipëri, duket se në 2019 fati po u buzëqesh bizneseve të fushës. Sipas shifrave më të fundit të INSTAT, për 6-mujorin e parë të vitit, numri i hyrjeve të shtetasve në Shqipëri për të marrë një trajtim shëndetësor ishte 444, me një rritje prej 270% krahasuar me të njëjtën periudhë të një viti më parë, që ishin 120. Kujtojmë se gjatë gjithë vitit 2018, numri total ishte 276.

Katërfishohen hyrjet për turizëm shëndetësor në Shqipëri

Për rritjen e shifrave të turizmit shëndetësor, aktorët e tregut argumentojnë se ka pasur një koordinim më të mirë, e cila nisi në fund të vitit të shkuar, mes ofruesve të shërbimeve shëndetësore në vend (kryesisht privatë) dhe agjencive të huaja dhe shqiptare, për të tërhequr turistë.

Aktorët e tregut pohojnë se italianët në përgjithësi vijnë në Shqipëri të rregullojnë hundën, teksa çmimet janë 50% më të lira se në Itali, ndërsa britanikët po preferojnë dhe shërbimet In vitro.

Pse Shqipëria?

Me gjithë profilin e saj të ulët në kujdesin shëndetësor ndërkombëtar, Shqipëria ka nisur të jetë tërheqëse për turistët. Fluturimet ndërkombëtare lidhin Aeroportin e Tiranës me shumicën e destinacioneve në botë.

Mediat e huaja, që e cilësojnë Shqipërinë si një vend pa rreziqe dhe me bukuri natyrore të jashtëzakonshme, janë shtuar shumë vitet e fundit. Tirana është bërë një qytet modern, ku flitet gjerësisht anglishtja, infrastruktura e turizmit është e mirë dhe vizitorët e huaj do të kenë një qëndrim të qetë dhe të sigurt.

Klinikat private po punojnë pikërisht në këtë drejtim, duke qenë se lokacioni i tyre është kryesisht në kryeqytet, për të tërhequr klientë potenciale të huaj. Kirurgjia plastike po sheh një zhvillim më të lartë, se sa ndërhyrjet e tjera, sepse sipas aktorëve të tregut, emergjenca e një ndërhyrje të tillë nuk është e lartë (kryesisht bëhet për qejf dhe jo nevojë shëndetësore, ndryshe nga ndërhyrje të tjera), gjë që u jep mundësi atyre edhe që të argëtohen si turistë.

Shqipëria vijon të jetë e preferuar në kërkesa si turizmi dentar, për shkak të çmimeve të favorshme dhe lidhjeve të klinikave me agjenci partnere jashtë, të shërbimeve të mbjelljeve të flokëve, tejet e kërkuar nga të huajt sipas spitaleve private në vend, të shërbimit IN Vitro, e cila preferuar kryesisht nga italianët dhe anglezët, si dhe e operacioneve plastike të ndryshime, ku kryeson rhinoplastika, buzët dhe rimodelimi i gjoksit.

Marrë nga Revista Monitor