Çfarë blejnë shqiptarët për Vitin e Ri

Dhjetori është një nga muajt kur shqiptarët shpenzojnë më shumë para. Blerja e dhuratave për vitin e ri po bëhet traditë për fëmijët, familjen dhe të afërmit e tjerë. Por çfarë duan të blejnë shqiptarët?

Shporta dhuratash sezonale

Ky sezon festiv ka të bëjë me ushqimin dhe verën. Pra, dhuratat e para janë shporta të mbushura me ‘panetone’, ëmbëlsira, mjaltë, vaj ulliri dhe çokollata, dhe më e rëndësishmja është vera ose pije të tjera. Shportat e dhuratave sezonale i gjeni në të gjitha supermarketet dhe dyqanet unike për produkte, si verë, vaj ulliri etj. Zgjidhni produktet tradicionale shqiptare, dhe blini ato vendase. (Blishqip.al)

Libra dhe Albume

Një tjetër dhuratë e preferuar janë librat. Edhe pse sezoni më i lartë për blerje librash është nëntori, për shkak të Panairit të Librit, më i madhi në vend, njerëzit priren të blejnë libra, albume dhe kartolina për Vitin e Ri. Kjo është arsyeja pse në disa librari mund të shihni disa oferta apo shitje për librat. Dhuratat më të mira janë albumet fotografike me foto nga Shqipëria ose kartolina.

Smartphone/Tablet

Disa njerëz priren të shpenzojnë më shumë për Vitin e Ri, ndoshta për të bërë dhuratën më të mirë të vitit për të bërë të afërmit e tyre. Smartfonët apo pajisjet e tjera elektronike janë gjithashtu dhuratat më të mira për këtë vit. Për këto produkte ka gjithmonë disa shitje gjatë këtij sezoni.

Bizhuteri dhe veshje

Një orë e mirë ose një gjerdan është gjithmonë një dhuratë e favorshme, veçanërisht mes çifteve. Njerëzit duan t’u japin dhurata të tilla të dashurve të tyre. Gjetja e uljeve te cmimeve për këtë produkt është e vështirë, por është gjithmonë një opsion. Mund të zgjidhni të blini edhe disa suvenire, jo dhurata të shtrenjta në këtë drejtim.

Shumë njerëz vazhdojnë të blejnë veshje të reja për Vitin e Ri, edhe pse këtu nuk ka ulje te medha cmimesh si në vende te tjera te botes. Por gjithsesi ka ulje te moderuara. 

Por është më mirë të dhurosh

Mbani mend, ky sezon festiv ka të bëjë me dhurimin dhe ndarjen e asaj që keni me të tjerët. Nëse doni të blini rroba të reja, merrni më të vjetrat ose ato që nuk dëshironi të vishni më dhe jepini njerëzve në nevojë. Do të jetë mirë të mos shpenzoni për luks, por bëni të mundur që një familje e varfër që njihni, apo që jeton pranë jush, të ketë ushqim të mjaftueshëm në tavolinë. Nëse të gjithë dhurojnë para dhe ushqime për njerëzit në nevojë, ata gjithashtu do të ndjejnë stinën më të mirë festive. 

Ndihmo planetin

Kjo duket fjalë e madhe dhe shumë mund të pyesin si e ndihmoj unë planetin. Në shumë mënyra e ndihmoni. Duke mos blere shumë veshje, por duke ripërdorur ato që keni, duke kursyer energji dhe ujë, duke mos krijuar shumë mbetje, duke ricikluar gjëra të vjetra, duke blerë produkte vendase që nuk duan shumë energji për tu prodhuar dhe transportuar nga larg. Si dhe duke përdorur sa më pak makinat tuaja, por duke lëvizur në këmbë apo me transport publik.. Kështu mbani trupin në formë dhe kontribuoni për një ajër të pastër.

Share this article

Other News to Read

Çfarë të bësh në Qershor në Tiranë

Mirësevjen Verë! Qershori është muaji i parë i verës dhe ndoshta muaji më i populluar në Tiranë. Qytetarët nxitojnë…

Udhëtim me biçikleta drejt natyrës dhe traditës së Farkës

Një udhëtim me biçikleta nga Tirana në Farkë është ideal nëse jeni duke kërkuar këtë lloj aventure në…

Liqenet e Tiranes

Ka plot liqene rreth Tiranës dhe liqene mahnitës të fshehur nëpër malet dhe kodrat e Tiranës, të cilat…

Subscribe to our Newsletter!