Tirana Photo Festival 2025 u zhvillua nga 18 deri 30 Qershor 2025 në Tiranë dhe tema për këtë vit ishte “MESDHEU” në kuadër të Tirana kryeqytet mesdhetar i kulturës dhe Dialogut për 2025.

Mbi 1000 foto nga 12 vende të Mesdheut u aplikuan për këtë festival, nga të cilat u zgjodhën 100 foto dhe 7 seri fotografike për t’u shfaqur në ekspozitë e cila qëndroi e hapur dy javë në mjediset pranë Teatrit të Kukullave.

Fituesit

Ky ishte edicioni i 8 i këtij Festivali, i cili tashmë njihet si festivali më popullor i fotografisë për nga numri i aplikantëve, gjithëpërfshirja dhe kohëzgjatja e tij. Në ceremoninë e ndarjes së Cmimeve më 24 Qershor, u nderuan këta fotografë. Denis Morina me vajzën me violinë në Ujëvarën e Topojanit, me cmim të pare; Një fotografe nga Hasi në vend të dytë, Florie Cenalia me foton e Shqipërisë rurale në një ditë vere.

Në fotot Series u nderuan me cmime Radoje Jovanovic nga Mali i zi, me një seri fotosh nga Ulqini.

Ndërsa Mehmet Uluyurt u nderua me cmimin Best Author për fotot autentike nga zemra e detit Mesdhe nën ujë

Një cmim inkurajues për fotografen e re Esmeralda Korini, e cila solli një seri fotosh me produktet mesdhetare nga vaji i ullirit, rakia, frutat

Ndërsa video më e mire u shpall e Altin Seranit, një video shumë e bukur për të promovuar Shqipërinë Mesdhetare

WORKSHOPS

Festivali nuk ishte vetëm ekspozitë dhe Cmime, por dhe workshope dhe foto tours. Një workshop u zhvillua nën drejtimin e Ben Blushit dhe Roland Tashos për Fotografinë si Projekt në mjediset e COD.

Po kështu një foto safari u zhvillua nën drejtimin e Albert Cmetes dhe Fabian Kazo në rrethinat e Tiranës në fshatin Allgjatë për të promovuar bukuritë tona natyrore përmes fotografisë së peisazhit.

Falenderim për MEKI dhe Bashkinë Tirane që mbështeten festivalin.

Tirana Photo Festival (8th Edition)