Çfarë të bësh në Tiranë në Janar 2023

Dekori me dritat festive dhe pema e Krishlindjes qendron në sheshin Skënderbej deri dy javët e para të Janarit, kështu kemi ende mundësi të shijojmë kryeqytetin. Një vizitë në sheshin “Skënderbej”, një kafe te Pazari i Ri, apo një dreke te Kalaja e Tiranës do t’ju shijojë shumë këto ditë të ftohta janari. Jepini ngjyra Janarit të zymtë duke vizituar muze, galeri arti, apo një shfaqje teatrale.

Nëse jeni shpirti aventurier, zona e Shëngjergjit do t’ju befasojë në Janar, ku zakonisht Liqeni i Lepurit ngrin dhe mund të bëni ski në akull. 

Ndërsa Mali me Gropa ofron pamje spektakolare në këtë muaj, ku qendron i mbuluar me borë, duket sikur je në një botë tjetër.

Për familjet Mali i Dajtit është një mundësi më afër kryeqytetit dhe ku mund të argëtohet gjithë familja duke luajtur me dëborë.

Një ndër atraksionet natyrore të veçanta në Tiranë është dhe Syri i Ciklopit në fshatin Krrabë, ku vlen të vizitohet në çdo stinë.

Për të kaluar fundjava familjare të ngrohta, ne ju sugjerojmë bujtinat e ndryshme nëpër fshtatrat e Tiranës, ku do t’ju mirëpresin me gatime tradicionale pranë zjarrit të ngrohtë të oxhakut.

Nëse jeni velur nga gatimet e Vitit të Ri plot kalori, ne ju rekomandojmë të ndryshoni pak shijen dhe të provoni gatime gourmet te  restorant Gambero, për adhuruesit e sushit shkoni të Amo Sushi, ndërsa te restorant Habitat do të provoni gatimet e freskëta të detit shumë të shijshme. Ndërsa akomodimin ne sugjerojmë Unik Hotel për pamjen fantastike të Liqenit dhe suitat moderne dhe komode.

Këtë muaj do të ketë dhe evente interesante në Tiranë, për të qenë të përditësuar hapni këtë link.

Në 6 janar, dita e Epifanisë e quajtur ndryshe Dita e Ujit të Bekuar, festohet nga besimtarët ortodoksë dhe katolikë. Më së shumti festohet në jug të Shqipërisë ku një kryq prej druri hidhet nga një prift në det, lumë apo liqen dhe të rinjtë garojnë për ta marrë të parin kryqin e hedhur. Sipas ritit, personi i parë që merr kryqin do të këtë një vit të bekuar.