Tetori është një periudhë e artë, më e bukura e vjeshtës, pasi gjethet e verdha mbulojnë qytetin, dhe moti është perfekt, as shumë ftohtë as shumë nxehtë. Periudhë e mrekullueshme për aktivitete outdoor dhe për të ndjekur evente të shumta në Tiranë, që përgatiten si për vendasit dhe për të huajt vizitorë. Tetori është plot me evente, festivale, ekspozita, panaire, maratona sportive, koncerte dhe shfaqje të mrekullueshme.
Është muaji ku eventet kulmojnë, thuajse çdo ditë është e ngjeshur, dhe ju do keni mundësi të vizitoni disa evente njëherësh. Le të eksporojmë së bashku disa prej tyre që do të ngrohin ditët tuaja me kujtime të paharrueshme.
Maratona e Tiranës: 23 Tetor 2022
Maratona e Tiranës 2022 vjen këtë vit me edicionin e saj të 6-të dhe me siguri tashmë mund ta cilësojmë atë si eventin më të madh sportiv në qytet. Këtë e tregon edhe pjesëmarrja e 2500 vrapuesve nga shumë vende të ndryshme të botës. Shtimi i numrit të pjesëmarrësve ndër vite është një tregues i mirë se kjo garë është bërë e dashur për qytetarët e Tiranës dhe më gjerë. Edicioni i 6-të i këtij aktiviteti, i cili tashmë është kthyer në një traditë organizohet me aprovimin e tre itinerarëve të miratuar nga Federata Botërore e Atletikës duke i dhënë seriozitetin e një aktiviteti Ndërkombëtar dhe me mbështetjen e Federatës Shqiptare të Atletikës.
6-7-8-9 Tetor 2022
Nga data 6 deri në 9 Tetor, 4 ditë të dedikuara panairit të produkteve lokale dhe rajonit. Biznese dhe fermerë nga Shqipëria, Kosova dhe Maqedonia e Veriut do t’i bashkohen panairit për të promovuar produktet e tyre në sheshin Skënderbej.
ChoCoBa Expo - Panairi i Çokollatës, Kafes dhe Pasticerisë
Nga data 21-23 tetor në Pallatin e Kongreseve do të organizohet për herë të parë në Shqipëri dhe rajon panairi i dedikuar për çokollatën, kafenë, pastiçeri dhe bukë-pjekje.
Festa e Vajit të Ullirit është një festë lokale që promovon agroturizmin e zones së Ndroqit. Ndroqi është i njohur për ullinjtë që ka për kualitetin e mirë të vajit të ullirit. Eventi është kthyer në traditë në këtë zonë, këtë vit do të organizohet në 29 Tetor nga Bashkia Tiranë.
Koncerte
LP (Laura Pergolizzi) është një artiste e famshme dhe e sukseshme si këngëtare popi dhe tekstshkruese, e njohur masivisht për këngën LOST ON YOU. LP vjen për herë të parë në Tiranë dhe do të japi koncertin në sheshin “Nënë Tereza”në 9 Tetor.
Në 2012 ajo lançoi albumin e saj të parë INTO THE WILD dhe në 2015 ajo pati sukses me albumin LOST ON YOU dhe me kengën po me të njëjtin emer, e cila akoma është një hit në mbarëbotën bashkë me këngën MUDDY WATERS.
Biletat i gjeni këtu!
Shfaqje teatrale dhe baleti
Zgjidhni eventi tuaj të preferuar dhe ruani datën!
Disa sugjerime nga Visit Tirana mbi akomodimin dhe restorantet në Tiranë:
Rekomandime hotelesh: Unik Hotel, Habitat Hotel
Rekomandime restorantesh: Gambero Gourmet, Amo Sushi, Habitat Restaurant, Pizzeria Pavarotti
Tirana ofron shumëçka për të gjitha moshat. Përse mos ta zbuloni tani!
Daytrips in Tirana |
|---|
| Cave of Pellumbas tour in Tirana |
| Communist Architecture tour in Tirana |
| Old Villas tour in Tirana |
| Tirana - Dajti Mountain Cable Car |
