Dita Ndërkombëtare e Gruas në Tiranë

Dita Ndërkombëtare e Gruas u prit me thirrje dhe marshim në Tiranë. Në sheshin Skënderbej ishin mbledhur gra të moshave të ndryshme për të bërë thirrje për barazinë gjinore, për dhunën ndaj gruas dhe për ligje më të ashpra për dhunuesit.

Në shkallët e Pallatit të Kulturës ishin vendosur këpucë të kuqe në nder të grave shqiptare që kanë humbur jetën nga duart e burrave. Ky instalacion i krijuar nga artistja Elina Chauvet që në 2009 dhe është mjaft i njohur në protestat në botë. E kuqja ka disa kuptime. Përfaqëson gjakun e derdhur, por edhe shpresën dhe dashurinë.

Marshimit i ishte bashkuar dhe ambasadorja e Suedisë në Tiranë, znj. Esla Hastad, e cila  gjithmonë ka dalë në mbështetje të kauzave të tilla sociale.