Çfarë të bësh në nëntor 2021 në Tiranë

Muaji nëntor është vjeshta e vërtetë në Tiranë, është koha e xhaketave dhe çadrës me vete. Është muaji i festave kombëtare, muaji kuq e zi. Nëntori shijohet shumë bukur duke shëtitur nëpër pikat tërheqëse të kryeqytetit, Kalaja e Tiranës, Pazari i Ri dhe ish-blloku.

Vizita nëpër muzeume dhe galeri arti janë një ide e mirë për të kaluar kohën dhe parë gjëra interesante. Ndërsa fundjavave mund të bëni arratisje të shkurtra drejt rrethinave të Tiranës për të shijuar vjeshtën nëpër fermat agroturistike në Baldushk, Shëngjergj, Surrel etj.

Datat e rëndësishme

28 nëntor

28 nëntori është festa më e madhe e kombit tonë. 28 nëntori i vitit 1912 është dita kur shqiptarët nga e gjithë Shqipëria, të bashkuar në Vlorë,shpallën Pavarësinë e Shqipërisë.

29 nëntor

29 nëntori është dita e Clirimit të Shqipërisë,një nga momentet më të rëndësishme të historisë së vendit tonë. Me 28-29 nëntor do të kujtohet 108 vjetori i pavarësisë dhe 77 vjetori i Clirimit të vendit.

Dita e Clirimit te Tiranes 17 nëntor

Kanë kaluar 77 vite që nga dita e çlirimit të kryeqytetit shqiptar, të Tiranës. “Rruga e Barrikadave” simbol i kësaj dite, ruan brenda vetes momente historike, të mbushua me krisma, klithma lufte dhe heronj. Në këtë ditë kanë flijuar veten 127 dëshmorë të cilët luftuan për një ideal ku ëndrra më e madhe e tyre ishte liria e vendit dhe e popullit.

Panairi i Librit 17-23 nëntor 2021

Panairi ndryshe nga vjet që ishte online, këtë vit do të realizohet si çdo vit në Pallatin e Kongreseve për 7 ditë rresht, nga 17 deri 23 nëntor.

Gjatë këtyre ditëve, botues, shkrimtarë, poetë, përkthyes, lexues dhe njerëz të kulturës do të takohen për diskutime librash, prezantime titujsh të rinj, por edhe tryeza debatesh, në live stream, ose në mjedise fizike, duke respektuar të gjitha kushtet e sigurisë.

Ekspozitat

Gjatë këtij muaj çelen ekspozita të reja nëpër galeritë e ndryshme të qytetit. Ekspozitë e hapur në Galerinë FAB, 'Kaloi një grua' nga piktori Gazmend Leka. Po ashtu, në Galerinë Kombëtare të Arteve mund të vizitoni “arkivin e hapur” një koleksion i veprave më të mira të galerisë.

Plot e përplot aktivitete të tjera që priten të organizohen nga Bashkia e Tiranës.

*Kini parasysh kufizimet e orarave të daljes nga ora 06.00 deri në 23.00, si dhe mbajtja e maskës në ambiente të mbyllura.