Panairi “ Shijo produktet lokale të Tiranës”

Për 3 ditë radhazi në qendër të Tiranës, në sheshin “Skënderbej” u zhvillua Panairi me produktet lokale të Tiranës.

Një larmishmëri ngjyrash, aromash e shijesh të prezantuara me stenda që sillnin fshatin në qytet. Fruta, perime , produkte të blegtorisë si dhe prodhime artizanale zbarkuan  në sheshin “Skënderbej”. Një mënyrë e mirë për të promovuar dhe ndihmuar bizneset e komuniteteve lokale të Tiranës.

Të shumtë ishin qytetarët që mbushën çantat e pazarit me produktet bio. Ndërsa të huajt shprehnin admirimin për krijimet artizanale dhe i morën si suvenir nga Tirana.