Çfarë të bësh në shtator në Tiranë

Shtatori është një muaj i shkëlqyer për ta ‘përkedhelur’ veten me disa ditë pushimi ekstra. Dy javët e para të Shtatorit në Tiranë do të jenë me temperatura të larta dhe mund t’i shfrytëzoni si pushime verore të zgjatura duke vizituar vende natyrore si Kanionet e Erzenit, perlën e natyrës Syrin e Ciklopit apo liqenet e shumta nëpër rrethinat e Tiranës.

Kini parasysh rregullat dhe kufizimet e reja për mbrojtjen kundër Covid-19, lexoni këtu.

Fëmijët fillojnë shkollën dhe shumica e njerëzve janë kthyer nga pushimet, kryeqyteti fillon të zhurmojë sërish nga fluksi i njerëzve po ashtu dhe turistëve që zgjedhin Shtatorin si muajin ideal për ta vizituar Tiranën.

Evente në Shtator

Mural Fest Tirana

Rikthehet Mural Art Fest në Tiranë. Duke nisur nga 1 shtatori deri në 30 shtator, 8 artistë ndërkombëtar do të pikturojnë disa nga muret e godinave të ndryshme nëpër Tiranë. Ky është edicioni i tretë, ku Tirana ka marr një vëmendje të madhe artit të muraleve dhe artit të rrugës.

Festivali Mish-Mash Tirana

Mish-Mash Tirana festivali muzikor që do të jetë dy netë radhazi në Parkun e Madh të Liqenit të Tiranës. Me pjesëmarrjen e artistëve të njohur si Alban Skënderaj, Vesa Smolica, DJ Abelomania, , Dafina Zeqiri, DJ Adam Reeves, Vedat Ademi, Gerta Mahmutaj dhe 04 Band. Data 10 & 11 Shtator, ora 16:30 - 22:30, te Fusha e Balonave

Koncerti i Ermal Metës
Në 17 Shtator, Ermal Meta rikthehet për herë të dytë në Tiranë për një koncert madhështor. Koncerti do të mbahet në stadiumin Air Albania. Ermal Meta u bë njohur këngën që mori pjesë në Eurovison dhe arriti vendin e 5-të në finale në 2018. Pas Eurovisionit ai erdhi në Tiranë, ku dha koncertin e tij të parë në Shqipëri. Koncerti do të jetë falas, por duhen rezervuar vendet online, këtu.

Art dhe Kulturë
Nëse jeni të interesuar për artet dhe historinë, në Tiranë do të gjeni muzeume të pazakonta, duke filluar me Bunk’Art, Shtëpinë me gjethe, deri të shtëpia studio e shkrimtarit të famshëm Ismail Kadare.

Galeritë e artit janë të hapura për artdashësit, ku mund të vizitoni ekspozita që janë hapur që prej muajit gusht ose që pritet të hapen në shtator. Eventet e reja i gjeni këtu!

Jashtë Tirane- natyrë
Nëse udhëtoni jashtë Tirane, do të mahniteni nga variacionet e peisazhit rural. Në ndryshim nga qyteti modern dhe i gjallë i Tiranës, fshatrat dhe rrethinat janë vërtet të gjelbëruara dhe të qeta. Jeta këtu lëviz ngadalë si në kohët e vjetra. Ka disa ferma agro-turizmi që vërtet do t’ju kënaqin me ushqimin shumë të mirë dhe bio, të përgatitura sipas traditës. Merrni pak ajër të pastër në një atmosferë relaksuese jashtë Tiranës. Lexoni listën e plotë këtu!

Photo credit: Visar Bucpapaj

Tirana Photo Festival -Thirrja e fundit për aplikime
Data 19 shtator është afati i fundit për të dërguar aplikimet tuaja për konkursin e fotografisë. Festivali do të mbahet 7 ditë nga data 8-15 Tetor 2021. Më shumë info, këtu!

Tirana ofron shumëçka për të gjitha moshat. Përse mos ta zbuloni tani!