Dua Lipa shijon pushimet në Shqipëri

 Ylli i muzikës Dua Lipa po kalon disa ditë pushimi në Shqipëri së bashku me familjen, të dashurin Anëar Hadid dhe grupin e saj. Në fillim, Dua Lipa vizitoi Tiranën për të parë nga afër punimet e kopshtit “Sunny Hill” të financuar nga fondet e mbledhura nga Dua Lipa dhe organizata e saj.

Këtë vizitë Dua Lipa e ka postuar në profilin e saj në Instagram, ku shkruan: “Ishte një nder të isha sot në Tiranë, Shqipëri për të parë ndërtimin e “Kopshtit Sunny Hill” në qendër të qytetit. Pasi ra tërmeti në 2019 unë me miqtë krijuam bluzat për fushatën “Lutu për Shqipërinë” fal dhurimeve tuaj, të cilat i dyfishova dhe këto para shkuan për ndërtimin dhe furnzimin e këtij kopshti për 300 fëmijë.  Jam e lumtur që jam sot këtu me familjen dhe miqtë e mi. Falenderoj Kryeministrin Edi Rama dhe kryetarin e bashkisë Erion Veliaj për të gjithë ndihmën gjatë procesit.

Kopshti hapet në 15 Shtator 2021! Faleminderit @sunnyhillfoundation”.

Dua Lipa gjatë qëndrimit të saj në Shqipëri, ka promovuar në mediat e saj sociale vendet e bukura të Shqipërisë, ku fansat e kanë komplimentuar se si ajo tregon krenarinë shqiptare.

Vizita e saj në Shqipëri nuk i ka shpëtuar syrit të disa gazetave Britanike të cilat i kanë kushtuar artikuj qëndrimit të saj në vendin tonë.