Çfarë të bëni në Tiranë në Qershor 2021

Tirana është e hapur, ky është lajmi që kemi kohë që e prisnin që prej fillimit të pandemisë.

Qershori është një nga muajt më me gjallëri në Tiranë.  Jeta kulturore fillon të lulëzoj sërish, atraksionet, muzeumet, galeritë janë rihapur me lehtësimin e masave të sigurisë ndaj coronavirusit.

 

 

 

View this post on Instagram

A post shared by Visit Tirana (@visit_tirana)

Ministria e Shëndetësisë ka njoftuar që nga 1 Qershori:

• Hiqet detyrimi për mbajtjen e barrierës mbrojtëse në ambientet e jashtme. Do vijojë të mbetet detyrimi i mbajtjes së maskës në ambientet e mbyllura si dhe në mjetet e transportit publik. Rekomandohet mbajtja e maskës kudo ku nuk mund të ruhet distancimi social si edhe për ata që ende nuk kanë bërë dy dozat e vaksinës që konsiderohen persona në risk.
• Ora policore shtyhet në orën 23:00 – 06:00.

Klubet e natës, diskot, vijojnë të mbeten të mbyllura. Muzika do të lejohet deri në orën 22:00.

Nga 15 Qershori:

• Grumbullimet në ambientet e jashtme nga 10 persona bëhen 50 persona, duke respektuar rregullat e distancës sociale në zbatim të protokolleve të ISHP

Qershori është muaji perfekt për të marrë rreze dielli në parqet e Tiranës, të organizoni piknik ose të shijoni kinematë në ambiente të hapura. Shëtitje me biçikleta rreth liqenit, ose ecje janë disa nga aktivitetet të tjera që mund t’i shijoni më së shumti gjatë pasditeve.

Gjatë ditëve me temperatura të larta freskohuni me akullore të cilat padyshim në Tiranë janë shumë të shijshme, në këtë link lexoni disa vendet që bëjnë akulloret më të mira në kryeqytet.

Gjatë fundjavave mund të eksploroni fshtatrat e Tiranës, ose të kaloni një ditë në Parkun e Malit të Dajtit. Në 1-Qershor hapet dhe Parku i Aventurave në Dajt, një vend fantastik ku mund të sfidoni veten dhe të shijoni aventurën.

 

 

 

View this post on Instagram

A post shared by Dajti Adventure Park (@dajtiadventurepark)

Aktivitete kulturore

Reja çel edicionin e 5-të të Festivalit të Resë në 4 Qershor. Priten ekspozita të veçanta, mbrëmje me shfaqje të ndryshme, kinema etj. Aktivitete që do të zgjojnë jetën kulturore në Tiranë.

Teatrot do të vazhdojnë të transmetojnë shfaqjet e tyre nëpërmjet kanaleve të tyre në Facebook. Tani që jeni të lirë të vizitoni muzetë, në Tiranë gjenden muzetë më interesantë, lexoni këtu listën.

Evente të tjera priten të organizohen dhe në Amfiteatrin e Tiranës, por me audiencë të reduktuar.

Me Qershorin nis sezoni veror dhe si çdo sezon VisitTirana organizon konkurse fotografie, ndaj të gjithë ju që ju pëlqen fotografia mos ngurroni të merrni pjesë duke përdorur hashtag #TiranaSummer2021