Noor- një nga vendet më 'cool' në Tiranë

‘Noor’ është ai bari që të ngroh në ditët e ftohta të dimrit, është ai vendi që na frymëzon edhe në ditët me shi, dhe në mbrëmjet verore ku tarraca bëhet shumë gjallëruese.

Noor është një bar dhe bistro, me vendodhje në zemër të Tiranës, pranë qendrës tregtare “Toptani”. Me një ambient modern të arreduar këndshëm dhe me elemente tradicionale, Noor të fton për një kafe mëngjesi, drekë biznesi apo aperitivë me miqte pasditeve.

Nëse të pëlqen të soditësh jashtë, ambienti i tarracës është pikërisht për ty, nga ku mund të shohësh Sarajet e Toptanit, rrugën Abdi Toptani, dhe godinën shumëkatshe të Maritim Plaza.

Kur ta ka ënda për një piadine apo pasta të mirë italiane, mos kërko më gjatë por shko tek Noor.

Menuja e Noor fillon që nga antipastat, piadinet italiane dhe pastat e shijshme.

Çdo të mërkurë dhe të enjte, është dita e aperitivëve dhe “fingerfood”-it. Në këto ditë, tek Noor do të gjeni ushqim “finger food” pa limit, dhe ju duhet vetëm të porosisni një pije, që kushton pak më shumë se ditët e tjera dhe mund të shijoni gjitha ushqimet e përgatitura.

Ndërsa fundjavave mund të shijoni një brunch me specialitete të ndryshme.

Këtu mund ta konsumoni një drekë me kolegët tuaj, “business lunch”-in mund ta kombinoni me pjatat tuaja të preferuar.

Çfarë e bën një vend të mirë përveç ushqimit të mirë, ambientit modern e komod? Patjetër që shërbimi i stafit, për të cilën vlen të theksohet që janë shumë miqësor dhe profesional.

E keni parasysh momenti kur zbuloni një vend të mirë dhe doni ta ndani me miqtë, ja kështu na ndodhi me ‘Noor’, ndaj po ua sugjerojmë ta vizitoni.