Çfarë të bësh në Dhjetor 2020 në Tiranë

Tirana shkëlqen nga dritat në Dhjetor.  Atmosfera festive ndihet kudo, edhe pse ky vit ka qenë dhe do të jetë deri në fund i pazakontë për shkak të pandemisë së Covid19. Por gjithsesi për tu dhënë njerëzve pak shpresë që viti që vjen do të jetë më I mirë, si dhe për të harruar dhimbjet e shkaktuara nga humbjet e jetëve dhe sëmundja e COVID19, qyteti është ndezur me drita më shumë se kurrë. Më të lumturit janë fëmijët, ata që I adhurojnë dritat, e shohin me shumë lumturi ndryshimin e qytetit, dhe duan të bëjnë foto gjithandej. Atyre duhet ti japim mesazhin se jeta vazhdon dhe se e ardhmja do jetë më e bukur. Për fëmijet ka dhe artistë të veshur në rrugët e ndricuara me veshjet e personazheve të preferuara të filmave për fëmijë, që japin dhurata dhe argëtojnë fëmijët.

Gjithsesi për shkak të pandemisë, grumbullimet e më shumë se 10 veta janë të ndaluara. Njerëzit janë të inkurajuar të qëndrojnë në shtepi, të shëtisin vetëm me familjen e tyre, të ruajnë distancimin social e fizik dhe sigurisht të mbajnë maskë kudo

Sheshit këtë vit do i mungojnë koncertet, festimet e organizuara, si dhe tregu I krishtlindjeve. Ajo atmosferë ku njerëzit qëndronin me orë të gjata në shesh dhe shijonin kafe, apo dhe një ushqim me miqtë, nuk do të jetë këtë vit.  Gjithsesi dritat tregojne që viti i ri do ndihet në gjithë Tiranën. Në Tiranë rrallë bie borë, por bora do ia shtonte hijeshinë qytetit.

Cfarë të bësh në dhjetor?

Ecje në natyrë

Ecje mes gjetheve të rëna dhe dritave. Ajo që këshillohet dhe për oksigjenimin e mushkrive, është ecja në natyre. Paradite mund të shijoni kërcitjen e gjetheve të vjeshtës teksa ecni, ndërsa në mbrëmje magjinë e dritave. Rrugët më të ndricuara janë: Sheshi Skenderbej dhe shumë sheshe të tjera, rruga pedonale Murat Toptani, rruga Myslym Shyri, Rruga e Durresit, e Kavajës, Blloku etj

Shopping

Qendrat tregtare por dhe dyqanet e vogla janë të hapura, të zbukuruara dhe plot oferta. Në qendrat tregtare mund të gjeni dhe disa evente argetuese ose dhurata. Të gjithë bizneset bëjnë ulje gjatë kësaj periudhe, kështu që mund të përfitoni. Dhuratat më të preferuara janë: suvenire, libra, dhurata për fëmijë, rroga, verë etj

Gatuani!

Gatimi është nga gjërat më të preferuara këtë periudhë të vitit. Amvisat tentojnë të bëjnë gatime të reja për të kënaqur familjarët e tyre. Nuk ka gjë më të bukur se në të ftohtin jashtë të shijosh gjëra të shijshme e të ngrohta brenda. Një kafe apo çaj i ngrohtë pranë sobës apo oxhakut, duke lexuar një libër apo duke parë televizor. Kujdes mos e teproni me ushqimin dhe organizoni sa më shumë lojera më fëmijët. Edhe në shtëpi mund të luash për të zevendësuar shumë aktivitete që mungojnë jashtë për shkak të pandemisë. Mund të ketë një mbyllje të re, por gjithsesi vetë dimri të detyron të mbyllesh. Vetëm gatimet mos i hani të gjitha vetëm. Mendoni një pjatë shtesë për një fqinj në nevojë, pse për prindërit, apo të moshuarit që njihni.

Dhuro!

Kjo është periudha ideale për të menduar për tjetrin dhe për të treguar anën tuaj bamirëse. Dhuroni dicka të nisni me urime vitin tjetër. Dhuroni veshje, batanije, lodra, për ata që kanë nevojë, në mënyrë që cdo fëmije apo dhe I rritur të ndjejë njësoj si ju festën e ndërrimit të viteve

Urojmë që 2021 të jetë vit shumë më i mirë se 2020 dhe pandemia të marrë fund. Gëzuar nga Visit Tirana.