Rihapet Parku Rinia për 1 Qershor

Në 1 qershor u rihap Parku Rinia në zemër të kryeqytetit shqiptar. Parku Rinia quhet kështu se është ndërtuar me punën e rinisë në kohën e diktaturës. Vitin e kaluar parku iu nënshtrua një restaurimi dhe pikërisht më 1 shtator u rikthye për fëmijët e kryeqytetit.

Parku u rikonceptua ndryshe për të shmangur disi zhurmën që e rrethon, pasi ndodhet në zonën me të populluar të Tiranës, mes katër rrugëve shumë të rrahura nga makinat dhe trafiku, nga Bulevardi kryesore, rruga M. Shyri, Rr. Ibrahim Rugova si dhe ministrite e shumta përreth.

Parku do ketë hapësira të dedikuara për gjithë moshat.  Krahas hapësirave të gjelbra dhe trotuareve moderne, “Parku Rinia” ka edhe një reliev të ndryshëm në sipërfaqe të caktuara, çka shërben jo vetëm si një mur akustik, por nxit edhe aktivitete fizike për fëmijët. Keshtu në hyrjet e parkut ka duna te gjelbra për të izoluar disi gjallërinë në park nga pjesa tjetër e qytetit. Një hapësirë është për të moshuarit, dhe një hapësirë e dedikuar për katërputroshët. Të rinjtë kanë pjesën e shatërvanit dhe gjithë kompleksin tajvani.

Gjithashtu është treguar kujdes për Munumentin e Pavarësisë, që u inagurua në 100 vjetorin e pavarësisë së Shqipërisë, i cili është futur në një ishull të rrethuar me ujë.

Parku Rinia është ngritur për herë të parë në 1949 në kohën e diktaturës, dhe ka marrë këtë emër për shkak të punës së palodhur të të rinjve vullnetare që mbollën pemë brenda një kohë shumë të shkurtër. Lexo historinë e parkut këtu.