Çfarë të bësh në Prill!Qëndro në shtëpi

Tani është koha për të mos e vizituar Tiranën. Eshtë koha për të qëndruar në shtëpi. Koha për ta ndalur kudo ku jeni. E habitshme dhe surreale. Por sot këshilla është qëndro vetëm, qëndro në shtëpi, mos tako askënd, por duaj e kujdesu për gjithkënd. E pazakontë, por është koha për të mësuar një mënyrë tjetër të jetuari. Pandemia e COVID 19 ka prekur tashmë gjithë botën. Shkollat, bizneset janë mbullur dhe gjithë jeta është pezulluar. Askush nuk e parashikonte që do vinte ndonjëherë një situate e tillë. Edhe qeveritë më të forta me buxhete triliona dollar, nuk po dine si të sillen, për të parashikuar e shpëtuar të ardhmen.  

Turizmi është sektori më i goditur. Tashmë thirrja është mos udhëtoni, mos vizitoni asnjë vend, mos dilni nga shtëpia, mos shpenzoni. Si do mbijetojë turizmi? Që nga kompanitë ajrore, hotele, ristorante, janë mbyllur, po kështu dhe një industry e tërë argëtuese për turistët ska si të funskionojë. Një në 10 vetë në botë punojnë në turizëm. Ata rrezikojnë të mbeten pa punë për të paktën disa muaj rresht.

Tirana është një qytet që mirëpret turistë gjatë gjithë vitit, nga Marsi në Nëntor. Visit Tirana me artikujt e përmuajshëm ka sugjeruar se cfarë të bëjnë turistët cdo muaj. Por për prillin rekomandimet tona janë ato të OBSH dhe qeverisë së vendit tone. Rrini në Shtëpi, mbani distance fizike prej 1 m, mbani higjenën, ndihmoni të moshuarit. Respektoni rregullat e daljes nga shtëpia dhe telefononi në këto numra në cdo rast urgjence

Bindu çdo rregulli

Teksa jeni në Tiranë, duhet të dini, se dalja lejohet vetëm për ushqimet e nevojshme dhe ilace. Ka një rregull për të marrë leje për të dale, për të cilën duhet të aplikojë vetëm një anëtar i familjes. Aplikoni me kartë identiteti në portalin https://e-albania.al/. Lexoni me vëmendje instruksionet për të marrë leje. Nëse nuk keni kartë ID, ose jeni i huaj, ose nuk mund të përdorni internetin, atëherë bëni një sms në numrin 55155. (numri ID plus orën e daljes që kerkoni, psh N00587336U 10.30. Leja ka fuqi brenda 24 oreve dhe vetën në fashën e orarit nga 5.00-13.00. E diela tërësisht e ndaluar për të dale.

Ku të blesh ushqim

Gjithë supermarketet janë hapur, po kështu dhe dyqanet ushqimore ne gjithë lagjet tuaja, po kështu furrat e bukës dhe farmacitë.

Muzeumet online

Për gjithë qytetarët shqiptarë dhe të huaj, që nuk mund të vizitojnë muzeumet fizikisht, ne i ftojmë ata që të bëjnë udhëtime virturale në disa prej muzeumeve të Shqipërisë. Mësoni rreth historisë së Shqipërisë duke eksploruar online në këtë link: https://kultura.gov.al/3dsite/category/tirane/?lang=en

Mëso dhe lexo

Kjo është periudhë ideale për të lexuar. Ju mund ti riktheheni librave të vjetër, po kështu dhe fëmijët tuaj, ose mund të porosisni ato online, psh te Bukinist, dhe tju vije në shtëpi. Po kështu libraritë janë hapur që nga 31 marsi, të paktën ato me shitje me pakicë, dhe në atë fashë orari të lejuar ju mund të blini librin tuaj të preferuar. Të paktën 1 orë në ditë lexoni një roman artistic, jo lexime pune apo shkolle. Koha gjithashtu është ideale për kurse online. Duke u solidarizuar me situaten shumë platforma online kanë hapur mundësi falas pa fund për të gjithë. Here is a link: https://www.britishcouncil.al/en/english/mooc

Ushtrohuni dhe luaji me fëmijët

Ka shumë aplikacione që ju mund të shkarkoni për të bërë disa ushtrime dhe stërvitje në kushtet e shtëpisë. Sipas OBSH, të rriturit duhet të stërviten të paktën 30 minuta në ditë, ndërsa fëmijët një orë. Ose stërvitjen mund ta planifikoni dhe si lojëra me fëmijët, sigurisht nëse keni dhe hapësirë të mjaftueshme në kushtet e shtëpisë.