Ku të festosh Shën Valentinin në Tiranë

Dashuria ndihet në ajër. Dita e Shën Valentinit po afron,  Tirana do të jetë e mbushur me lule dhe zemra. Do të ketë disa pika të dekoruara vec për ditën e të dashuruarve. Restorantët, hotelet, dyqanet po ofrojnë paketën e tyre për këtë ditë. Nuk ka rëndësi nëse jeni beqar apo në një marrëdhënie, ka vend për të gjithë për të festuar në Tiranë. Mos harroni se 14 shkurti do të jetë e Dielë, kështu që të gjithë kanë një arsye për të festuar më shumë. Dhuroji partnerit/es një ditë të paharrueshme këtë Shën Valentin në Tiranë.

Jeni me dikë dhe doni ta surprizoni këtë Shën Valentin?

Zbuloni hotelet dhe restorantet më romantike për një darkë të paharrueshme në ditën e të dashuruarve. Por nëse po kërkoni më shumë se një darkë romantike është e rëndësishme të zgjidhni një hotel që i përshtatet shijeve dhe kërkesave tuaja. Mëngjesi në dhomë, mirëseardhje me shampanjë, dhomë me trëndafila janë detajet që do t’ju ledhatojnë këtë Shën Valentin. Më poshtë gjeni sugjerimet tona për një arratisje të ëmbël në 14 Shkurt në Tiranë.

Dajti Ekspres

Vendosur në Parkun Kombëtar të Malit të Dajtit me pamje nga Tirana, Dajti Ekspres është për ata që duan të kalojnë prishtmërite e vetëm një darke romantike. Sigurohuni që të jeni atje në kohë për të kapur pamjen e perëndimit të diellit. Dajti Ekspres ju fton të kaloni mbrëmjen me muzikë të zgjedhur, menu të pasur dhe shumë dhurata për çifte. Paketa 99 Euro/cift përfshin akomodim në hotel, mëngjes, udhëtim me teleferik dhe sigurisht darken romantike.

Unik Hotel

Për të gjithë ata që duan të kalojnë një natë magjike, nën dekorimet festive të kësaj dite, Unik Hotel është zgjedhja e duhur për ju. Eshtë unik në stilin e tij dhe përveç dekorimeve ofron një shishe falas shampanjë për të gjithë ciftet që zgjedhin të kalojnë këtë festë në ambientet e Unik hotel. Përveç pamjes dhe dekorimeve perfekte, ju mund të shijoni një darkë të kuruar në restorantin e tij, Gambero Gourmet.

Hotel Colosseo

Nëse keni shëtitur për disa orë nëpër Tiranë dhe keni nevojë për një “arratisje” romantike në Ditën e Shën Valentinit, afër qendrës së qytetit ndodhet vendi ideal Hotel Colosseo, në Rrugën e Durrësit. Darka romantike me menu të pasur, muzikë violine dhe drita të zbehta janë atmosfera e duhur për të shijuar ditën e të dashuruarve. 

Elite Hotel

Kur vjen fjala për luks atë e gjeni në Elite Palace. I vendosur në një kodër me pamje nga Tirana dhe liqeni i Farkës është ky hotel është perfekt për të kaluar një Shën Valentin si në ëndrra. Oferta e Shën Valentinit prej 90 Euro çifti përfshin akomodimin në suitën e dekoruar enkas për ju, një shishe verë në dhomë si dhe sallatë frutash.

Gambero Gourmet

Për darkën e Shën Valentinit, Gambero Gourmet vjen me dy menu speciale: një menu për adhuruesit e gatimeve të detit dhe një menu toke. Një gjë është e sigurt cilado të jetë menuja e përzgjedhur nga ju do të mbeteni të kënaqur nga shija e pakrahasueshme e gatimeve dhe ambienti elegant i Gambero Gourmet.

Mos jini dorështrenguar në një ditë si kjo, blini dhe një dhuratë. Tirana ofron shumë mundësi për dhurata. Një buqetë lulesh, çokollata, aksesorë dhe libra. Një dhuratë interesante është dhurimi i Foto Albumit të Tiranës, të cilin mund ta porosisni online, ose ta blini në libraritë e kryeqytetit.

Përvec darkave, ju mund të zgjidhni të ndiqni disa prej eventet që do të zhvillohen në qytet gjatë kësaj dite.