Mbi 6 mln turistë vizituan Shqipërinë në Jan-Nentor 2019

Numri i shtetasve të huaj të hyrë në vendin tonë përgjatë njëmbëdhjetë muajve të vitit 2019 është 6.117.330, duke u rritur me 8,3 %, në krahasim me të njëjtën periudhë të vitit 2018. Përgjatë njëmbëdhjetë muajve të vitit 2019, ndër vendet që kanë hyrjet më të larta të shtetasve në Shqipëri , Zvicra ka pasur rritjen më të madhe me 19,7 %, ndërsa uljen më të ndjeshme e ka pasur Polonia me 14,0 %.

Hyrjet e shtetasve shqiptarë dhe të huaj në territorin shqiptar, në muajin Nëntor 2019, janë 693.951. Krahasuar me Nëntor 2018, ky tregues rezulton me rritje 7,2 %. Në Nëntor 2019, hyrjet e shtetasve të huaj në vend janë 268.176. Krahasuar me Nëntor 2018, ky numër është rritur me 8,7 %.

Në Nëntor 2019, ndër vendet që kanë hyrjet më të larta të shtetasve në Shqipëri, Spanja ka pasur rritjen më të madhe, ndërsa uljen më të ndjeshme e ka pasur Maqedonia e Veriut..