La Radura - atraksioni më i ri në Tiranë

Një atraksion i ri i shtohet Tiranës, i titulluar La Radura, vepër e arkitektit italian Stefano Boeri. Vetë arkitekti Stefano Boeri ishte i pranishëm në përurimin e veprës "La Radura", e cila është vendosur pas godinës së kyeministrisë. Boeri me këtë rast ka shpjeguar edhe simbolikën e kësaj vepre arti.

Ai ka thënë se druri që është përdorur për veprën "La Radura" vjen nga zonat mes Friulit dhe Trentinos, zonë kjo që kohë më parë u prek nga një stuhi që rrëzoi më shtymë se 15 milion pemë. Druri përbërës është bredh i kuq dhe sipas Boeirit kjo tragjedi për pyjet italiane u mbeti të gjithëve në zemër dhe prandaj erdhi edhe një vepër e tillë.

Përveç instalacionit Reja te Galeria e Arteve, ky është një tjetër instalacion që i shtohet kryeqytetit, ku qytetarë, organizata e institucione të ndryshme mund të organizojnë takime e evente të ndryshme në një ambient të hapur.