Muzeu ‘Shtëpia me gjethe’ fiton çmimin Muzeu i vitit 2020

Muzeu “Shtëpia e gjetheve” ka fituar çmimin “Muzeu i Keshillit Europian 2020”. Muzeu u përzgjodh nga Komiteti i Kulturës i Asamblesë Parlamentare të Këshillit të Evropës (PACE) në ditën e sotme, në një takim në Paris.

Muzeu Kombëtar i Mbikëqyrjes Sekrete "Shtëpia e Gjetheve" përkujton dhunën psikologjike dhe kontrollin e plotë të qytetarëve gjatë regjimit komunist në Shqipëri (1944-1991) gjatë së cilës 18,000 njerëz u ndoqën penalisht dhe 5.000 u ekzekutuan. Muzeu ndodhet në ish-shtëpinë e Sigurimit të Shtetit në qendër të Tiranës, e cila shërbente si Drejtoria Qendrore e Sigurimit. Karakteristika e veçantë e këtij muzeu të vogël është se ai ka mbetur praktikisht i paprekur me pajisje origjinale dhe regjistrime të cilat tani ruhen në arkiva.

Muzeu i Keshillit Europian 2020 e ka zanafillen në vitin 1977 dhe i është dhënë vit pas viti një muzeu që gjykohet të ketë dhënë një kontribut të rëndësishëm në njohjen e trashëgimisë kulturore evropiane, promovimin e të drejtave të njeriut dhe demokracisë, kapërcimi i barrierave sociale, politike dhe kulturore. Ky muze i njeh vizitorët me të shkuarën e hidhur të Shqipërisë, duke i bërë më të vetëdijshëm për çështjet sociale bashkëkohore dhe zhvillimin e demokracisë.  

Muzeut fitues i jepet një statuje e bronztë nga Joan Miró, të cilën muzeu do ta mbajë për një vit, së bashku me një diplomë. Çmimi vendoset në bazë të tre propozimeve të paraqitura nga një juri e Forumit Evropian të Muzeumeve, dhe bën pjesë në çmimet e Muzeut Evropian të Vitit.

Fituesit e fundit të çmimit përfshijnë Muzeun e Komunikimit në Bern, Zvicër (2019), Muzeun e Fëmijërisë së Luftës në Sarajevë, Bosnje dhe Hercegovinë (2018), dhe Qendrën e Shprehjeve dhe Kujtesës së Karaibeve të Tregtisë së Skllevërve dhe Skllavërisë në Guadeloupe, Francë (2017).

Burimi: Parliamentary Assembly