Ashtu siŅ« u premtua edhe më herët, dje në sheshin Skënderbej u organizua koncerti më i madh i vitit. Digitalb ishte kryefjala e mbrëmjes së djeshme, platforma televizive shënoi dje 15 vite nga krijimi i saj. Festa nisi mëngjesin e datës 13 dhe vijoi përgjatë tri ditëve duke e mbushur sheshin me lojëra, ngjyra, muzikë etj.
‘Illusionarium’ ishte Muzeu i Iluzioneve Optike, i cili u organizua më datat 13-14-15 Korrik në Sheshin Skënderbej. Ky muze ishte një ndër më të vizituarit përgjatë tre ditëve nga të gjitha moshat.
Në shesh u vendos edhe një instalacion i dinozaurit, i cili ishte dhe një atraksion i preferuar për të bërë foto. Ndërsa koncerti i shumë pritur nisi në orën 18:00 dhe përfundoi në orët e vona të natës. Kulminacioni i mbrëmjes ishte dhe spektakli i fikshezjarreve, një surprizë e bukur për pjesëmarrësit në koncert.
Në mbrëmjen e djeshme performuan artistët më të njohur shqiptarë si: Faydee & Luana Vjollca, Alban Skënderaj, Ledri Vula, Elvana Gjata, Mc Kresha & Lyrical Son, Jericho, Kida, Tayna, Aurela Gaçe, Young Zerka, Vedat Ademi, Ronela Hajati si dhe Ylli Limani, të cilët u ngjitën në skenë për t’i dhuruar publikut të kryeqytetit një natë të jashtëzakonshme nën tingujt e muzikës më të mirë. Emocione, brohoritje, dhurata, argëtim, ishin këto disa nga elementët e këtij super koncerti. Gjithashtu koncerti u transmetua live në Top Channel për të gjithë teleshikuesit.
View this post on Instagram
Daytrips in Tirana |
|---|
| Cave of Pellumbas tour in Tirana |
| Communist Architecture tour in Tirana |
| Old Villas tour in Tirana |
| Tirana - Dajti Mountain Cable Car |
