Çfarë të bësh në Korrik në Tiranë

Tirana në muajin Korrik është më pak e populluar gjatë orëve të ditës për shkak të temperaturave të larta dhe sepse shumë njerëz janë drejtuar vendeve bregdetare për pushime. Por kjo s’do të thotë që në Tiranë nuk ka gjallëri, përkundrazi pasditeve të vona dhe darkave Tirana ka një atmosferë fantastike, në sheshin “Skënderbej” sheh familje që shëtisin rreth e qark sheshit.

Parku i Liqenit Artificial është një tjetër destinacion për netët e gjata të verës, ku shpeshherë shfaqen filma.

^{Photo: APR Tirana}

Amfiteatri i Tiranës thuajse çdo ditë ka shfaqje muzikore, baleti apo aktivitetete të tjera argëtuese për familjet.

Në 5 Korrik, ora 20:30 organizohet një shfaqje që nuk duhet humbur. “Takohemi në Moulin Rouge” është një shfaqje baleti me emrat me te medhenj te skenave boterore.

Ndërsa në 6 Korrik, vjen në Tiranë Trupa Franceze e kërcimit dhe cirkut “Un Loup pour l'Homme” për të dhuruar spektakël në Amfiteatrin e Tiranës.

^{Photo: APR Tirana}

Për artëdashësit mund të shohin ekspozitën retrospektive të Kolë Idromenos në Galerinë Kombëtare të Arteve.

Te Reja mund të ndiqni filmat ku kanë luajtur aktoret e mëdha Italiane: filmat shfaqen çdo të martë, ora 21:00.

Shumë aktivitete të tjera janë planifikuar gjatë muajit Korrik në Tiranë, nëse doni të jeni të përditësuar mund të kontrolloni rubrikën tonë të eventeve këtu.

Parqet në Tiranë janë një mundësi e shkëlqyer për të kaluar orë të freskëta dhe shlodhëse me familjen apo miqtë tuaj, pse jo dhe duke shijuar akulloret më të mira në kryeqytet. Dy vendet më të frekuentuera janë liqeni i Tiranës në Parkun e Madh ku mund të bëni shëtitjet me varka në fundjavë dhe liqeni i Farkës.

Për t'u freskuar fundjavave mund t'i drejtoheni Kanioneve të lumit Erzen, Syrit të Ciklopit, apo liqeneve të shumta që ndodhen në Tiranë.

Pishinat janë një tjetër mundësi për argëtim dhe shlodhje dhe Tirana ka plotë të tilla brenda dhe në dalje të qytetit. Nëse ju pëlqen deti dhe rëra mund të shkoni në Durrës për 25 minuta.