Vjosa dhe historia e saj në ekspozitë në Tiranë

Lumi Vjosa është një nga pasuritë natyrale më unike në Shqipëri, dhe si I tillë duhet mbrojtur. Përse është unik? Sepse sipas shkenctarëve, ai është lumi i vetëm i egër i mbetur në Europë, që ende rrjedh në rrugën e vet natyrale, pa asnjë devijim.

Por ndoshta kjo nuk do vazhdojë gjatë, pasi qeveria shqiptare ka miratuar ndërtimin e 6 HEC-eve përgjatë përrenjeve që furnizojnë Vjosën, dy prej të cilëve kanë përfunduar dhe i treti po ndërtohet. Gjëja e mirë në këtë histori është se Vjosa dhe shtrati i tij ende nuk janë prekur, por është ndërhyrë në përrenjtë dhe lumenjtë e vegjël që furnizojnë Vjosen, dhe ndoshta herët e vonë, Vjosa nuk do të ketë më ujë si më parë.

Një ekspozitë fotografike u hap më 13 qershor në mjediset e Muzeut Historik Kombëtar, me punët e 7 fotografëve dhe gazetarëve që po kontribuojnë në mbrojtjen e Vjosës. Ekspozita u hap nga organizata ambjentaliste Eco Albania dhe do të shëtisë në disa qytete të jugut, vecanërisht në Gjirokastër e Tepelenë që lagen nga Vjosa.

7 fotogragët janë: Roland Tasho (fotograf profesionist), Roland Dorozhani (fotograf, pamjet ajrore), Adrian Guri (ambjentalist); Artan Rama (gazetar investigativ) Gregor Subic (biolog dhe film-maker nga Sllovenia. Robert Hackman (i lindur ne Australi dhe jeton në Londer, që boton punët e tij në National Geographic), Nick St Oegger (ambjentalisht nga Kalifronia). Nick ishte prezent në ceremoninë e hapjes dhe shprehu emocionet e tij si erdhi në Shqipëri për herë të parë në 2013 dhe sa shumë i bëri përshtypje lumi Vjosa dhe bukuritë e Shqipërisë.

Fotot kryesore ishin për dy ndërtimet problematike, për HEC –et e Pocemit dhe Kalivacit si dhe impakti që kanë sjellë këto ndërtime në jetën e banorëve, në tokën bujqesore të tyre por dhe në lumenjtë ku janë ndërtuar që furnizojnë Vjosën.

Disa foto janë artistike, si ato të Roland Tashos, vecanërisht një foto e ish deputetes së parlamentit Europian Ulrike Lunacek me kostum popullor në Tepelëna dhe një foto tjetër e një grupi dizenjatorësh nga Patagonia, gjatë një vizite në Vjosë, me veshje tradicionale shqiptare në Luginën e Bencës. Patagonia është një brand veshjesh që mbëhtesin fushatën “Ruani zemrën blu të Europës”. Ekspozita është e hapur për 4 ditë.