Ansambli Folklorik nga Rusia surprizon publikun në Tiranë

Në 17 maj, në ambientet e Qendrës Kulturore të Katedrales Orthodhokse, Ansambli muzikor rus “Jarmarka” nga qyteti Permi i Rusisë mahniti publikun shqiptar me një performancë krejt të veçantë.

Ansambli erdhi në Shqipëri mbas një turi të suksesshëm në Europë dhe Amerikë për të performuar dhe servirur kulturën ruse me veprat muzikore më të njohura në vend. Në fund të performances grupi folklorik kishte përgatitur një surprizë për publikun shqiptar të cilët kënduan dhe vallëzuan me këngë shqiptare.

 Salla e tejmbushur me qindra dashamirës të kulturës ruse dhe duartrokitjet e forta krijuan një atmosferë me plot energji pozitive për publikun dhe për artistët në skenë.

 Në perfundim të mbremjës drejtori artistik Viktor Kuzminov, u shpreh se ngrohtësinë që gjeti në Shqipëri nuk e ka marrë në asnjë vend ku grupi folklorik ka performuar.