Rrugëtimi 5-ditor i 10 blogereve Italiane në Shqipëri

10 blogerë Italianë vizituan Shqipërinë për 5 ditë. Të ftuara nga Agjencia e Udhëtimeve "Travel Brain and Heart", blogerët, 9 femra dhe një djalë pranuan ftesën për të zbuluar Shqipërinë dhe t’ua prezantonin dhe ndjekësve të tyre në rrjetet sociale.

Dita e parë ishte qëndrimi në Tiranë, ku u mikpritën nga Metro Hotel. Në Tiranë vizituan pikat kryesore turistike të qytetit, sheshin “Skënderbej”, Parkun e Madh, Pazarin e Ri etj. Shijuan dhe gatimet tradicionale të gatuara plot shije në restorantin “Ceren Ismet Shehu” në Surrel.

Një pritje e këndshme iu bë nga kryetari i Bashkisë Tiranë në Kalanë e Tiranës, ku më pas darkuan në restorantin Luga e Argjendtë.

Më pas udhëtimi i tyre vazhdoi në jug të Shqipërisë, ku vizituan rivierën Shqiptare, Vloren, Butrintin, Ksamilin, Tepelenen etj. Pas jugut u kthyen sërish në Tiranë dhe në dy netët e tjera u akomoduan në Hilton Garden Inn Tirana dhe në The Rooms. Kruja ishtë një nga ndalesat e blogëreve, të cilët vizituan dy muzuemet dhe pazarin e vjetër të Krujës. Pas kësaj vizite kulturore dhe historike në Krujë, ata u kthyen në Tiranë dhe kaluan një mbrëmje të paharrueshme në Bllok. Në ditën e tyre të fundit udhëtuan me teleferik drejt Malit të Dajtit, ku shijuan një drekë tradicionale në Ballkonin e Dajtit.

Gjatë gjithë turit 5-ditor në Shqipëri, blogeret postonin foto, video pafund për çdo hotel që qëndronin, për çdo vend ku drekonin dhe darkonin, në çdo bar dhe në çdo vend që vizituan, duke u treguar ndjekësëve të tyre se sa e bukur dhe ftuese është Shqipëria.

Mjafton të bëni kërkimin në Instagram #TravelBlogTour2019 dhe do të shihni postimet e tyre.

“Travel Brain and Heart” agjencia Italiane e udhëtimeve në Shqipëri organizoi këtë tur për bloggerët e udhëtimit në vendin tonë. "Visit Tirana" ishte promovuese e këtij turi në të gjitha mediat sociale.