Retro Al- ekspozitë e automobilave retro te Kryeministria

Për të gjithë të apasionuarit pas makinave të vjetra “vintage” nuk duhet të humbasin ekspozitën e sotme te Kryeministria. Dhjetra automobila shfaqen sot nga ora 9:00 deri në orën 16:00 për të gjithë admiruesit por edhe personat kanë automjete historike.

Eventi është pjesë e projektit të www.retro.al, nismë e ndërmarrë nga Blendi Gonxhja, Drejtor i Përgjithshëm i Shërbimeve të Transportit Rrugor, në Ministrinë e Infrastrukturës dhe Energjisë.

"RETRO lindi për të jetëzuar një trashëgimi deri sot pa status dhe për të promovuar e ekspozuar sa më shumë mjete dhe kujtesë automotorizimi me interes historik, si dhe për të ofruar informacione, shërbime dhe lehtësira për këtë aktivitet pasionant me ndjeshmëri kaq të veçantë", shkruhet në faqen zyrtare të Retro.