Festa e Novruzit, historia e kësaj dite

Dita e Sulltan Novruzit, është ditë pushimi në Shqipëri.  Kjo ditë lidhet me ditëlindjen e Imam Aliut në Qabe. Në këtë ditë çdo gjë ringjallerohet, lind shpresa, ringjallja për gjithë njerëzimin. Ajo është një ditë e re, kur të gjithë shpresojnë për një të ardhme më të mirë.

"Novruzi" vjen nga persishtja dhe do të thotë “Dita e re”, ndërsa "Sulltan" është titulli i lartë që tregon rëndësinë e kësaj dite. Festa e Sulltan Novruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar.

Diktatura komuniste në Shqipëri, e prirur drejt ateizmit, në vitin 1967 i mbylli të gjitha objektet e kultit, përfshi ato të besimit bektashian. Në Shqipëri Dita e Novruzit, festa më e rëndësishme e Bektashizmit, u dekretua si festë kombëtare në vitin 1996. Sekti i bektashinjve është i vendosur kryesisht në jug të vendit, ndërkohë që ai ka një shtrirje të konsiderueshme në territorin e Republikës së Shqipërisë. Bektashinjtë janë të përhapur edhe në Kosovë dhe në Maqedoni, ku krahas sunitëve ata përbëjnë popullsinë shqiptare të besimit mysliman.

Dita e Novruzit festohet edhe ne vende te tjera të botës myslimane, në ditë që variojnë nga 20 deri më 26 mars.

Në Tiranë, Shqipëri ndodhet Qendra Boterore e Bektashizmit. Qendra ndodhet në periferi të Tiranës, dhe përbëhet nga një Teqe impresionuese me një museum fantastic dhe të pasur në katin e parë dhe një dyqan të vogël dhuratash për vizitorët që duan të blejnë suvenire të këtij sekti. Teqeja është e zbukuruar fund e krye me mozaikë mermeri me forma dhe ngjyra të mrekullueshme. Urdhëri bektashian është një sekt i dervishëve që ndërthur elementë të degëve islamike Shia dhe Sufi në një bashkim unik të besimit dhe filozofisë islamike. I ndaluar nga autoritetet otomane në 1826, Urdhëri Bektashian u rishfaq në shekullin e 19 deri sa u nxorr jashtë ligjit nga Mustafa Kemal Ataturk në 1923, ngjarje që e zhvendosi selinë e tyre në Shqipëri në 1925.

Restuarimet e fundit të kësaj qendre botërore fetare përfunduan dhe inaugurimi u bë në 8 shtator 2015 në praninë e drejtuesve të të gjithë besimeve fetare në Shqiperi, perfaqësive të komuniteteve myslimane nga Ballkani, Europa dhe me gjerë. Shqipëria njihet në mbarë botën si vend me tolerancë fetare.