Çfarë të bëni në Janar në Tiranë-rekomandime nga Visit Tirana

Jemi në muajin më të ftohtë të vitit. Muaji Janar nisi me temperature shumë të ulta në Tiranë dhe në të gjithë Shqipërinë. Është parashikuar që në Tiranë të bjerë borë këtë muaj. Mali i Dajtit pa diskutim që është i pari që mbulohet nga bora dhe nëse i ftohti vazhdon, nuk do të vonojë dhe bora do të jetë dhe në kryeqytet. Nëse ju pëlqen të luani në dëborë dhe të shijoni një pamje fantastike ne ju sugjerojmë një shëtitje me teleferik në Malin e Dajtit. Një udhëtim 20 minutësh me teleferik do jetë spektakolar veçanërisht në ditët e zbardhura nga dëbora.

Çfarë të bëni në Janar në Tiranë-rekomandime nga Visit Tirana

Në Janar duket sikur kryeqyteti bie paksa në qetësi dhe rrugët nuk janë të populluara as me makina dhe as me njerëz. Duket sikur e keni gjithë qytetin për vete. E bukura është se dekorimet e festave vazhdojnë deri në 7 Janar dhe sërish mund të ndjeni kënaqësinë e atmosferës që kanë lënë pas festat.  

Në ditët e ftohta ajo çka do të shihni më shpesh në baret dhe kafetë e Tiranës janë njerëzit që shijojnë një kafe, macchiato ose çaj të nxehtë në ngrohtësinë e bareve. Darkat pranë oxhakut janë akoma më të bukura dhe të gjitha restorantet që kanë oxhak janë gjithnjë të rezervuara në fundjava.

Çfarë të bëni në Janar në Tiranë-rekomandime nga Visit Tirana

Këtë muaj do të ketë dhe evente interesante në Tiranë, për të qenë të përditësuar hapni këtë link.

Në 6 janar, dita e Epifanisë e quajtur ndryshe Dita e Ujit të Bekuar, festohet nga besimtarët ortodoksë dhe katolikë. Më së shumti festohet në jug të Shqipërisë ku një kryq prej druri hidhet nga një prift në det, lumë apo liqen dhe të rinjtë garojnë për ta marrë të parin kryqin e hedhur. Sipas ritit, personi i parë që merr kryqin do të këtë një vit të bekuar.

Për dashamirët e artit mos harroni të vizitoni ekspozitën e Marc Chagall, e cila është e hapur deri më 12 janar në Qendrën COD, në zyrën e Bibliotekës së Kryeministrisë. Në galerinë “Kalo’ është e hapur deri më 31 janar ekspozitën e artit bashkëkohor "Konvergjenca". Mos e humbisni ekspozitën e Flaka Halitit në Galerinë Kombëtare të Arteve para se të përfundojë më 7 janar 2019.

Çfarë të bëni në Janar në Tiranë-rekomandime nga Visit Tirana

Ndërkohë që shpesh në sallën e Muzeut Historik Kombëtar ka gjithmonë një ekspozitë të re nga artistë shqiptarë dhe të huaj.

Kinemaja është gjithmonë një mundësi për të kaluar disa orë në këto ditë të ftohta.

Mos harroni të na kontaktoni në contact@visit-tirana.com  për organizimin e tureve, ekskursioneve jashtë qytetit, në destinacionet natyrore apo në fshatra, por edhe në ture të tjera brenda në kryeqytet.

Për të apasionuarit pas fotografisë, konkursi fotografik #TiranaWinter2019 në mediat sociale vazhdon të jetë i hapur deri më 28 shkurt. Mund të jeni JU fituesi!

Buy Tirana Album

Buy Tirana Album online, visit Tirana
Daytrips in Tirana

Cave of Pellumbas tour in Tirana
Communist Architecture tour in Tirana
Old Villas tour in Tirana
Tirana - Dajti Mountain Cable Car
Editor's choice

gif_img

Hotel Colosseo Tirana Albania

Dajti ekspres

Theranda Hotel

Tropikal Resort