Njihuni me fituesit e #TiranaAutumn2018

Visit Tirana shpalli mbrëmjen e së mërkurës, në 12 Dhjetor, çmimet e konkursit #TiranaAutumn2018. Eventi i ceremonisë u organizua nga kompania DMO Albania.

Ky është konkursi i tetë që ne kemi organizuar në dy vite. Qëllimi ka qenë promovimi i kryeqytetit përmes fotografisë dhe nga ana tjetër të angazhimi i të rinjtë që kanë pasion fotografinë. VisitTirana është nominuar këtë vit, si Fushata më e Mirë e Turizmit 2018 nga Emerging Europe Awards për konkurset në mediat sociale që ne kemi organizuar.

Në një ceremoni të këndshme në hotelin elegant ‘Hotel Theranda’ në zonën e Bllokut, me të ftuar pjesëmarrësit e konkursit, dhe dashamirës të fotografisë u ndanë 11 çmime per 11 fotot me te bukura.

Konkursi #TiranaAutumn2018 u zhvillua për 3 muaj në rrjetet sociale, Instagram, Facebook dhe Twitter, por fotot më të shumta ishin nga Instagrami ku pjesëmarrësit përdorën hashtagun #TiranaAutumn2018 në postimet e tyre me foto nga Tirana në vjeshtë.

Gjatë konkursit u mblodhën 1773 foto që tregonin stinën e vjeshtës në Tiranë. Gjethet e vjeshtës nëpër parqet e Tiranës, njerëzit që shëtisnin në vjeshtë, natyra mbresëlënëse e fshtrave të Tiranës etj. Pas një selektimi të kujdesshëm, u zgjodhën 11 foto finaliste.

Me mbështetjen e sponosorave të këtij konkursi u vlerësuan 5 fituesit kryesorë si më poshtë:

Çmimi i parë: Enea Xhengo me foton e vajzës së vogël që luan me gjethet. Fituesi i çmimit të parë do të ketë mundësinë të shijojë drekë ose darkë çift në restorantin e këndshëm “Season Restaurant” që ndodhet te Pazari i Ri.

Çmimi i dytë: Dy janë fituesit e çmimit të dytë: Giti Kolasi dhe Artemon Tamo, të cilët fituan një udhëtim në Brezovicë ofruar nga “Exploring with Gysi”.

Çmimi i tretë: Dy janë fituesit e çmimit të tretë: Rozana Cenaliu dhe Ermira Kaso, të cilat fituan një trajtim fytyre me pajisjen revolucionare WishPro ofruar nga Synoia Albania.

Ndërsa autorët e 6 fotove të tjera, ndër 11 fotot më të bukura, u vlerësuan me certifikata mirënjohje. Ata janë: Dionis Ferizi, Drilon Neli, Hysni Topi, Fatjet Bajrami, Olsi Beçi and Apostjon Thimjo.

Shihni galerinë e fotove të eventit këtu.