Euridita, shfaqja e njohur amerikane te Piramida

Euridita, drama e njohur e shkruar nga autorja amerikane Sarah Ruhl, vjen për herë në skenën shqiptare nga regjisorja Jonida Beqo, Teatri Metropol. Një ditë më parë drama u shfaq për gazetarët tek Piramida, ndërkohë që premiera do të jetë në datën 12 tetor, në të njëjtën skenë.  

Eurydice, the famous dramatic play on the stage of Pyramid, Tirana

Kjo dramë tregon historinë klasike të mitit Orfe, por e parë nga sytë e gruas së tij të Euridita. Është një histori mjaft e trishtueshme, e cila na con në botën e të vdekurve. Euridita dhe Orfeu ishin të dashuruar me njeri tjetrin. Dashuria e tyre ishte aq romantike dhe aq sublime. Çdo gje dukej perfekte deri ditën e dasmës së tyre.  Çifti vuri kurorë dhe muzika e dasmës dhe kërcimet ishin aq të gëzuara. Euridita del pak jashtë për të shuar etjen, dhe papritur takon Vdekjen, rol që luhet nga vetë regjisorja Jonida Beqo. Vdekja e fton Euriditën në botën tjetër duke e joshur me letrat e babait të vdekur. Dhe papritur Euridita rrëzohet nga një platformë e lartë dhe vdes ditën e dasmës së saj.  Kjo ishte tragjedia e jetës për Orfeun, për të cilin fillon vuajtja dhe trishtimi i pandalshëm. Ai ishte muzikant dhe gjithë trishtimi përjetohet me muzikën e tij.

Eurydice, the famous dramatic play on the stage of Pyramid, Tirana Albania

Ndërsa Euridita udhëton në botën tjetër, ku ajo takon babain e saj të vdekur. Ajo nuk kupton asgjë cfarë i ka ndodhur, ndërsa i ati e ndihmon të kuptojë se ku ndodhet, i kujton fëmijërinë, momentet e bukura, dhe mbi të gjitha i sjell në kujtesë dashurinë e jetës së saj, Orfeun. Madje ai i lexon dhe letrat e dashurisë që Orfeu i hidhte nga bota e të gjallëve.  

Eurydice, the famous dramatic play on the stage of Pyramid, Tirana Albania

Shfaqja zhvendoset nga bota e vdekur tek bota e gjallë, aty ku Orfeu luan muzikë vajtimi. Kur e dashura e tij ishte gjallë, muzika e tij ishte shumë e gëzueshme, por pas vdekjes së saj, pikëllimi mbyti dhe artin e tij. Orfeu nuk mund të jetonte pa Euriditën, ndaj vendosi të shkonte në botën e të vdekurve për të rimarrë gruan e tij. Euridita kishte një mundësi për t’u rikthyer në jetë, pas këmbënguljes së Orfeut që trokiti në portën e vdekjes, por ajo zgjodhi të rrinte me babain e saj.

Duket si një dashuri që nuk mbaron kurrë, por kur Orfeu mbërrin përfundimisht në botën e të vdekurve, ata të dy nuk bashkohen, pasi Euridita humb sërish në lumin e haresës dhe martohet me djalin e Vdekjes.

Eurydice, the famous dramatic play on the stage of Pyramid, Tirana

Muzika live shoqëron gjithë shfaqjen, disa herë e gëzuar dhe disa here e trishtuar. Aktori i talentuar Amri Hasanlliu, jo vetëm këndon por luan 6 instrumenta. Euridita luhet nga aktorja e re dhe e talentuar Armela Demaj, ndërsa e veçanta e kësaj drame është rikthimi i aktorit të mirënjohur Niko Kanxheri që luan rolin e babait të Euriditës. Vetë regjisorja e shfaqjes luan rolin e Zonjës Vdekje. 

Eurydice, the famous dramatic play on the stage of Pyramid, Tirana Albania

Euridita është shfaqja që hap sezonin e teatrit Metropol. Drejtorja e këtij teatri, Jonida Beqo thotë se jo më kot vendosi që këtë pjesë të parë ta sjellë te Piramida, për të rivënë në funksionim ndërtesat e tjera publike. Piramida që është simboli i varrit, ishte zgjedhja e duhur për skenografinë dhe tematikën e Euriditës, subjekti i së cilës vërtitet rreth ‘vdekjes’ .

Daytrips in Tirana

Cave of Pellumbas tour in Tirana
Communist Architecture tour in Tirana
Old Villas tour in Tirana
Tirana - Dajti Mountain Cable Car
Editor's choice

gif_img

Dajti ekspres

Theranda Hotel

Tropikal Resort