Ky kanion ndodhet në periferi të fshatit Priskë e Madhe. Është një kanion me lartësi deri në 10 metra të mureve të tij. Formacioni shkëmbor është "shtuf" pra shkemb ranor. Gjatësia e tij është rreth 200-300 metra ku në zona të caktuara bëhet i ngushtë dhe i lartë. Në të derdhen rreke uji si ujëvara të vogla që e zbukurojnë më shumë kanionin. Përroi i Shmokut është përroi që ka formuar këtë formacion. Ujërat e tij janë të pastra dhe mbledhin ujin e burimeve dhe kullimeve që vijnë nga malet dhe zona e fshatit Priskë. Ky përrua vazhdon rrugëtimin deri sa derdhet në lumin Erzen. Në të mund të shkohet me makinë në rrugë të mirë deri pranë fshatit Priskë pa future në fshat. Më pas bëhet ecja në këmbë deri tek kanion. Rruga është e thjeshtë per çdo lloj personi. Nuk ka shenja orientuese dhe nuk njihet nga guidat lokale te natyres. Foto dhe informacioni janë kontribut i Albert Cmetes me albumin e tij #TiranaThroughLens
