"Ministria e Bujqësisë dhe Zhvillimit Rural" dhe "Bashkimi i Prodhuesve Shqiptarë" organizojnë për të tretin vit rradhazi "Shqipëria Punon Tokën". Një event ku fermerë nga i gjthë vendi dhe sipërmarrës shqiptarë e të huaj në fushën e agrobiznesit do ekspozojnë prodhimet e tyre në zemër të Tiranës. Më datë 16 dhe 17 nëntor, sheshi "Skënderbej" do të shndërrohet në arenën më të madhe ekspozuese dhe degustuese të prodhimeve tona bujqësore, blegtorale, agropërpunuese, akuakulturës dhe kulinarisë tradicionale. Ky panair mbetet vitrina më e mirë për promovimin e produkteve shqiptare.
