Ambasada e Mbretërisë së Holandës në Shqipëri, në partneritet me Organizatën "Together For Life", ka nderin t'ju ftojë të bashkoheni me ne në Panairin "Gratë në Biznes" ku gratë biznesmene do të prezantojnë produktet e tyre.
Ky panair i suksesshëm me moton "Gratë munden" vjen për të dytin vit radhazi, duke e kthyer këtë ngjarje në traditë. Prioritet u është dhënë bizneseve të themeluara nga gratë në nevojë, siç janë gratë në zonat rurale, gratë rome dhe egjiptiane, etj.
Pjesëmarrës në këtë aktivitet do të jenë përfaqësuesit e bizneseve të themeluara nga gratë, përfaqësues të OJQ-ve që punojnë me fuqizimin ekonomik të grave, trupat diplomatike në Tiranë, përfaqësuesit e Ministrisë së Ndërmarrjeve, Ministrisë së Ekonomisë, Ministrisë së Shëndetësisë dhe Mbrojtjes Sociale, si dhe Përfaqësuesit e Medias.
Hyrja është falas për të gjithë, por ju lutemi njoftoni më parë për prezencën tuaj.
Konfirmoni pjesëmarrjen tuaj në adresën e e-mailit: info@togetherforlife.org.al ose përmes një mesazhi privat në Facebook.
Eventi do të zhvillohet më 19 mars 2019, ora 14:00
Vendi: Salla e Mbretërisë së Ambasadës së Holandës në Tiranë.
