Mbrëmja e parë përkujtimore mbi Falco-n në Shqipëri

Këngëtari më i madh austriak i muzikës pop i shekullit të XX, Falco, do të festonte këtë vit 60-vjetorin e tij, nëse do të ishte akoma në jetë. Tek Piramida e Tiranës do të festohet në nder të tij, duke e kujtuar atë përmes muzikës së tij dhe të atyre viteve kur ai krijoi këtë muzikë.

Për këtë event, vjen nga Vjena ish-bashkëudhëtari i tij, Klaus Biedermann, i cili do të  shoqërojë me muzikë përgjatë natës. Një mbështetje muzikore të rëndësishme do të japë edhe DJ Ad Disha nga Tirana.