Koncert nga Olen Cesari dhe Inva Mula në Pallatin e Kongreseve

Violinisti shqiptar me famë botërore Olen Çesari dhe diva Inva Mula do të mahnisin sonte publikun shqiptar në Pallatin e Kongreseve në një koncert madhështor. Dy artistët shqiptarë të nivelit botëror do të interpretojnë  muzikë nga të gjithë popujt e botës. Shkëlqim të veçantë koncertit live, do ti japë edhe sopranoja me famë botërore Inva Mula, e cila nën tingujt e violinës së Olen Cesarit do të interpretojë disa arie të njohura popullore. Në skenën e Pallatit të Kongreseve, gjeniu  i violinës së bashku me “International Clandestine Orchestra” do të performojë pjesë të magjishme të muzikës  tradicionale jo vetëm të Shqipërisë por të të gjithë popujve të botës.